ISAYAASI 18:2 - Qullaawa Maxaafa

² Hatti gobba, sokkaano haqalunni seekkinoonni markaawe gulufisiisse Abbayi Wayi aanaanni qolte sokkanno. Manninsa hojjaameeyyetenna shaqqadu bisireeti; gobbansa wayinni beehantinote. Ki'ne sokkaano, gosa baala waajjitannoriwa kaajjadonna wolqaataame gosawa marre!

ISAYAASI 18:2 ပူးပေါင်းရင်းမြစ်များ

LAYINKI DUDUWO 14:9

Zaara yinanni Itiyophiyichi 1,000,000 olantonna 300 faradi gaare adhe Yihuda qasara Maaresha yinanni katami geeshsha dayi.

LAYINKI DUDUWO 16:8

Itiyophiyootunna Liibiyootu lowo olanto, faradi gaarenna faradu noonsare di"ikkitino? Ikkollana hatte yannara Kaaliiqa addaxxootto daafira isi qeelle uyinohe.

IYYOOBI 9:26

Barri'ya muddantanni noo yowolo gedeeho; itannorira buuwanno allamurchi gede ikke rahanno.

FULO 2:3

Ikkeennano hakkuyi aleenni maaxa dandiitannokkita affe, leemmunni seekkinoonni gimboola haadhe wayi eannokki gede aanaho suwe gante, qaaqqo gimboolu giddo worte wayi gama noo haqali giddo massite wortu.

ISAYAASI 18:7

Olantote Mootichi Kaaliiqi, gosa baala waajjitannori shaqqadu bisiri, hojjaameeyye, wolqaataammu, jawaatootunna gobbansa wayibba beekkinoriwiinni fushshaate adhanno barri daanno. Insano Olantote Mooticha Kaaliiqa magansi'nanniwa Tsiyooni Ilaala dagganno.

ERMIYAASI 49:14

Ani Ermiyaasi Kaaliiqi ki'ne Edoomi manni daafira, «Olantonsa gamba assidhe ki'ne qassanno gede, kulannonsa sokkaancho dagate soommo.

HIZIQEELI 30:9

«Hakku barri iilleenna Gibitse ba'anno yannara, fafisi're keere hee'rannoha Itiyophiyu manna olunni waajjishiishshanno soqqamaano, markaawetenni soyemmo. Mannuno waajje huxi'ranno; hakku barrino mule no!»

ABIDIYU 1:1

Mootichu Kaaliiqi Edoomi daafira Abidiyu widoonni qole coyi'rino coyi kunninni aane nooho. Kaaliiqi sokkaanchosi daganniwa soye, «Edoomi qasate fuleemmo daafira, baalunku qixxaabbe!» yitanno sokka ninkeno macciishshinoommo.

IMBAAQOOMI 1:7

Insa waajjishshannoreetinna masissannoreeti; uminsa ayirrinye agarsiisi'rate seera qixxeessidhanno.

LUQAASI 10:19

Hamashshonna idda kaddinanni gede diina qeeltinanni wolqa oommo'ne. Gawajjanno'neri mitturino dino.