ISAYAASI 17:8 - Qullaawa Maxaafa

⁸ Angansanni seekkidhinoha kakkalote darganna Asheera mokkollora hixaana giirate seekkidhino uduunne hexxa agurtanno.

ISAYAASI 17:8 ပူးပေါင်းရင်းမြစ်များ

LAYINKI SAAMUEELI 22:42

Raartanno; kaa'lannonsaha kayinni diafidhanno; Kaaliiqiwa higge raartino; isi kayinni didawarannonsa.

LAYINKI DUDUWO 14:5

Yihudu katammara kaphu maganna magansi'nanniha gaarrate aana noohanna hixaana giirranni uduunnicho baala gudeenna, isi yannara gobba keere ikkitu.

LAYINKI DUDUWO 31:1

Ayyaana ayirrisse ka'uhu gedensaanni, mannu wo'munku Yihudu katamma baala ha're kaphu magannata sooddiyye cancani. Asheera mokkollono hiiqqaqqi. Kakkalonsahanna daga magansidhanno gaarra diigi. Yihudu, Biiniyaami, Efireeminna Minaase gobbara noore kakkalote tulluwa baalano diigi. Hakkunni gedensaanni qae qaensa ha'ri.

LAYINKI DUDUWO 34:4

Isi hajajino manni Ba"aaliha kakkalote darganna mulensa noota hixaana giirranni uduunne gudi. Asheera mokkollonna wole maganna baala cancante buko assite hatte magannara kakkalanno manni moogga aana fincitu.

FULO 34:13

Kakkalote darguwansa hiiqqaqqe; magansidhanno sooddiyye cancanne; Asheera yinanni maganota kakkalote mokkollo murmurre.

ISAYAASI 1:29

Kaphu maganna magansi'rate yitine doodhitinoonni haqqenni kainohunni saalfattinanni.

ISAYAASI 10:20

Hakka waro Yaiqoobi mininni gattinori Israeelete taraare, gawajjitinonsare Asooroota agurte Israeelete Qullaawa ikkinoha Kaaliiqa addaxxitanno.

ISAYAASI 17:9

Hakka waro, Israeele bala tuggeenna diigantu katamma Hiwootunnitenna Amooraawootunnite gede ki'ne katammano mulla darga ikkite gattanno.

ISAYAASI 2:8

Kunni aanano baattonsara kaphu maganna wo'mitino; insano angansanni seekkidhino misilera kumbuultanno.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

ISAYAASI 30:22

Birranna culka xallinoonnita maganna'ne, «Ninkewiinni faffe!» yitine ishinu gede oltine huntinanni.

ISAYAASI 37:19

Maganna ikkitinokkita haqqanna kinna angansanni bocce seekkidhinota tenne gosa misilla Asoorootu giirte huntino.

ISAYAASI 41:29

Kune ki'ne baalunku haafaho; mittoreno assitine diaffinannireeti; ki'ne misilla mulla diilallooti» yii.

ISAYAASI 44:15

Mannu haqqa kare giire giwaa'ranno; sagale qishi'ranno; magansi'nanni misilla seekki're insa magansi'ranno.

ERMIYAASI 17:2

Manni'ne jajjabba haqqe hunda, gaarratenna ilaallate aana kakkalote darga seekki're Asheera magansi'ranno.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

SOFFOONIYAASI 1:3

mannanna saada, iimi ceanna baaru qulxu'me huneemmo. Haxawarroota galcheemmo; mittu nafa gatikkinni mannu sircho baattote aaninni gudeemmo. Konne coyi'roommohu ani Kaaliiqaati.

ZAKKAARIYAASI 13:2

Hakka waro, magannansa su'ma gobbate aaninni huneemmo; layinkimeeshsho qaagannonsahu dihee'ranno; battete ayyaaninni coyidhannore kaphu himanaano baattote aaninni hooleemmo.

MARRO 7:5

Kunnira, assa hasiissanno'neri kunninni aane nooho: Kakka'litanno darga diigge; magansidhanno sooddiyye hiiqqaqqe. Asheera yinanni magano mokkollo murmurre; misillaseno cancanne.