ISAYAASI 17:10 - Qullaawa Maxaafa

¹⁰ Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 17:10 ပူးပေါင်းရင်းမြစ်များ

UMI DUDUWO 16:35

Kaaliiqano, «Magano gatisaanchonke, ballo gatisinke; daga baalate giddonni gamba assite gobbanke qolinke; hatte yannara galanteemmohe; qullaawa su'makkino ayirrinseemmo» yiiyye.

FAARSO 106:13

Kayinnilla, assinonsa dhagge baala hakkawoyintenni habbino; isi seejjo diagadhitino.

FAARSO 106:21

Gibitsete heedheenna, maalaletenni gatisinonsa Magano habbu.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 31:2

Huuccatto'ya macciishshite, rakke gatisie; kinchu golonna jawaata qiisho gede ikkite gatisie.

FAARSO 65:5

Magano gatisaanchonke! Dhegge loosse dawaro qoloottonke; baara widoonni noorinna baattote qaccera heedhannori baalu ate hexxitanno.

FAARSO 79:9

Maganonkenna gatisaanchonke ballo! Kaa'linke; su'mikkira yite gatisinke; cubbonkeno agurinke.

FAARSO 85:4

Magano gatisaanchonke ballo, haaroonsinke; hanqokkino aaninkenni badhara qoli.

FAARSO 9:17

Cubbaataammu jeennaate e'anno; Magano habbannori baalunku hatto ikkitanno.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 17:9

Hakka waro, Israeele bala tuggeenna diigantu katamma Hiwootunnitenna Amooraawootunnite gede ki'ne katammano mulla darga ikkite gattanno.

ISAYAASI 18:5

Woyinete laalo xinqi'nara albaanni daraarchu giggileenna gumu leanno yannara sinase murrannihu gede, diinu hatte gobba manna hatto asse gudanno.

ISAYAASI 25:4

Diinu foorari dambalu gede, kinchu huxxa xiiwanno daafira, buxanetenna qarraataammaho irkidhannowa, hombobolatte dagganno yannara golo, arrishshote fooggalira caale ikkoottonsa.

ISAYAASI 26:4

Mootichu Kaaliiqi hegere golootina, geedote geeshsha iso addaxxe.

ISAYAASI 30:29

Ki'ne Maganu manni kayinni, qullaawa ayyaana ayirrisidhinanni hashshi gede faarsitinanni. Israeelete golo ikkino Kaaliiqi Minira ha'ranno yannara, suusulle ufuufanni faarsanno manni gede ikkitine hagiidhitinanni.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 51:13

Baatto xintoommohanna gorduwa diriirsoommoha, kalaqaancho'ne ane Kaaliiqa habbinoonni. Gudda'nera ka'inoriha kaajjaddu hanqo waajjitinoonni; kunni ka'a insa hanqi assanno'neri dino.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 62:11

Kaaliiqi daga baalate, « ‹Tsiyoonira, gatisaanchikki daanno; mannaho aanno ba'raa'rino angasi no› yitine kulle» yee lallawi.

ERMIYAASI 12:13

Qamade wixidhe uta mixxitino; daafurte mittoreno diafidhino. Hanqi'yanni bainohura, jajjinsara dadillitino» yii.

ERMIYAASI 17:13

Kaaliiqa! Ati Israeelete hexxooti; ate agurtannori baalu saalfattanno. Heeshshote buicho ikkoottoha ate Kaaliiqa agurtannori, bukote aana borreessinoonni su'mi gede ikkite ba'anno.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

ERMIYAASI 3:21

Ilaalu aana raare macciishshinanni; tini raareno Israeelete manni cubbo loosanni, ane Kaaliiqa Maganonsa agure hee're, xa kayinni gaabbe raaranni noo raareeti.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

HOOSEI 8:14

«Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

IYUEELI 1:17

Winxoonni gidi baalu baattote giddo dukukke baino. Gidu hoogino daafira, gide worranni dargi baalu mulla ikkino. Gootarrano diigantino.

LEEWAAWOOTA 26:16

anino hedeweelcho masille, ille hunannohanna manninate maniissannoha fooggashshannohanna shetisanno dhibba abbeemmo'ne; gide beebballa wixidhinannina loosidhinoonniha diini'ne itanno.

LEEWAAWOOTA 26:20

Wolqa'ne beebba gooffanno; baatto gide, haqqeno laalo diuyitanno'ne.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

IMBAAQOOMI 3:18

tenne baalate giddoonni, anera Kaaliiqinni tashshi yaannoe; gatisaanchi'ya Maganunni hagiidheemmo.

SOFFOONIYAASI 1:13

Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.

MARRO 28:30

«Adhitinara huuccidhinoonnita, wolu amade shollishanno. Mi'nitinoonni minira wolu galanno. Kaasidhinoonni woyineta laalose di"ittinanni.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

MARRO 32:18

Kalaqaanchinsa Maganuwiinni wirri yitino. Ilinonsaha jawaata golonsa habbino.

MARRO 32:31

Magannansa Maganinke gedee jawaata ikkitinokkita, diinnanke nafa affino.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

MARRO 8:11

Techo barra eemmo'ne hajajo, seerasinna wogasi agadha hooggine Magano'ne Kaaliiqa habbinannikki gede qorophe.

MARRO 8:14

wodani'ne naaxxeenna borojjimmatenni Gibitsete baattonni fushshino'neha Magano'ne Kaaliiqa habbinannikki gede agadhe.

MARRO 8:19

«Magano'ne Kaaliiqa habbinironna wole maganna hoode hadhiniro, soqqantininsaronna magansidhininsaro halaalintanni ba'inannita techo seekke kuleemmo'ne.