ISAYAASI 16:5 - Qullaawa Maxaafa

⁵ Hatte yannara mittu gashshooti hegere baxillinni uurranno. Daawiti sirchinni mittu ammanaminohu moohanno. Isi rahe halaale hasannohonna taashshe gashshanno mooteeti.)

ISAYAASI 16:5 ပူးပေါင်းရင်းမြစ်များ

LAYINKI SAAMUEELI 23:3

Israeelete Magani coyi'rinoe; Israeelete goli anera, «Ane Magano waajjatenni taashshe gashshanno moote,

LAYINKI SAAMUEELI 5:9

Daawiti hakkonne katama teesso assi'ri. Isono, «Daawiti Katamaati» yii. Gaaraho Soojjaatoonni minu gammaliwiinni kayise gaaru gaangaawira katama mini.

LAYINKI SAAMUEELI 7:16

Aye yannarano sirchikki giddonni gashshootekki ragi'rannohu dihooganno; qoleno gashshootekki geedonniha asseemmo› yiino yite kulisi» yii.

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

LAYINKI DUDUWO 31:20

Moote Hiziqiyaasi Yihudu gobba baalate dancha, taalonna Magano Kaaliiqa hagiirsiisanno coye assino.

FAARSO 85:10

Bagamannokkihu baxillikkinna halaalu xaaddanno; keeraanchimmanna keeru sunqantanno.

FAARSO 89:14

Gashshootikki keeraanchimmatenna taashshate aana uurrino; bagamannokkihu baxillikkinna halaalaanchimmakki loosikkinni leeltanno.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

LAWISHSHA 20:28

Moote gashshootu aana keeshshannohu, halaalenna danchumma loosirooti.

LAWISHSHA 29:14

Moote buxane taashshe la"annoha ikkiro, gashshootisi seeda diro hee'ranno.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 55:4

Iso gaadaannanna roorricha assoommosi; isino ane daafira dagate naqaashshe ikkanno.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.