ISAYAASI 16:1 - Qullaawa Maxaafa

¹ Ki'ne Moaabi manna! Tsiyooni Ilaalira noohura Yerusaalamete gashshaanchira Seelai Kataminni halallitte gobba widoonni qoltine ge'rechu goco afansha assitine sokke.

ISAYAASI 16:1 ပူးပေါင်းရင်းမြစ်များ

LAYINKI SAAMUEELI 8:2

Hakkiino aanche Moaaboota qase qeeli. Qafadantinoreno dirante barxa yitanno gede asse, sasu diri giddonni lame dira shii. Kunnira Moaabootu Daawiti angara higge giwire uyitusi.

LAYINKI MOOTOOLLA 14:7

Amesiyaasi, Maxinete Lagichira 10,000 Edoomoota shii. Seelai yinanni katama amade su'ma soorre, Yoqixieeli yii. Xaa geeshshano hakko su'minni woshshinanni.

LAYINKI MOOTOOLLA 3:4

Moaabi moote Meesha ge'reewo ceino; Israeelete mooterano 100,000 ge'reewu wilii'lenna 100,000 ge'reewi goccata orda gabbarannosi.

IZIRA 7:17

«Kunni woxinni middo, jajjabbanna manaadda ge'reewu gocca, gidu fushshaatenna agattote fushshaate hira habbooti. Konne baalanka massite Yerusaalamete Magani'ne Mine kakkalote darga massitine kakkalle.

ISAYAASI 10:32

Techo hakku diini Noobi Katamira no. Yerusaalamete Katamira nooha Tsiyooni Ilaala waajjishiishate anga irbanni no.

ISAYAASI 42:11

Halallinna halalla noo katamma baala, Qeedaari gosa heedhanno halalli baalu qoonqosi naggi asso! Seelai Katamira hee'ranno manni baalu, ilaallate iima hee're ilillisanni faarso!

HIZIQEELI 45:16

«Israeelete baattora hee'ranno manni baalu, konne gashshaanchoho masse aanno.

MIKIYAASI 4:8

Maganu mannasi allaalaasinchu gede asse towatanno shae ati Yerusaalame! Albi gashshootikkino galagale higannohe.