ISAYAASI 14:6 - Qullaawa Maxaafa

⁶ Insa manna wolqatenni gadadisse gashshitino; qafaddino gosano qarrissanni heedhino.

ISAYAASI 14:6 ပူးပေါင်းရင်းမြစ်များ

LAYINKI DUDUWO 36:17

Kunnira Baabilooni moote gawajjannonsa gede haa're abbi. Baabilooni mooteno Qullaawa Mine noore nafa agurikkinni Yihudunnita aja ooso baala shee gudi. Maganu sayise uyinosi daafira aju akkali, meya labbaahu gatikkinni baalanka mararikkinni gudino.

IYYOOBI 9:13

Maganu hanqosi badhera diqolanno; Reaabi yinanniha baaru moyicho kaa'litinore cancanino.

LAWISHSHA 21:30

Mannu egenno, wodanchanna hedo, Kaaliiqi yiinore ittissara didandiitanno.

LAWISHSHA 28:15

Buxane gadadisannohu bushu gashshaanchi, ittananno doobbiichinna kubbe amadanno dagunchi gedeeho.

ISAYAASI 10:14

Mootoolla baala ane albaanni ceate mini gedeereeti; quuphe gamba assinannihu gede jironsanna baattonsa gudhoommo. Konne baalanka assummo geeshsha ceichote baallicho geeshsha nafa milli yiinohu dino; cuqqi yiinohu nafa dino» yiino.

ISAYAASI 14:5

Kaaliiqi busha gashshaano wolqanna roorre haa're hoolino.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ERMIYAASI 25:26

mulenna xeertote nooti aliyye gobba mootoolla, tare tarentenni baattote aana noo gashshootuwa baala aggu. Goofimarchohono Baabilooni moote aganno.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 48:17

Maccaha ikkasi egentinoonniri, qarqarisira heedhinanni gosa baala, ‹Gashshootikki wolqa ayirrado, hiitto ikkite hiiqqantu?› yitinanni wi'lesi.

ERMIYAASI 50:31

«Ki'ne boonaleeyye, ani Olantote Mootichi Kaaliiqi ki'ne aana noommo; qorichisheemmo'ne yannano iillitino.

ERMIYAASI QURTO 1:21

Sheshifachishannoehu dinona, shete raareemmo raare macciishshie. Anera abbootto qoomama macciishshe, diini'ya baalu hagiidhino. Ane gatisate hexxo ootto barra rakke abbi; diinna'yano ane gede shettannore assi.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

IMBAAQOOMI 1:17

«Maahoyyena, tini gosa wo'manka woyite mararro nookkiha manna guddanni heedhanno?

IMBAAQOOMI 2:5

Jiro manna dogganno. Jirote hagaaggannori boonaleeyyete. Mitto darga difooliishshidhanno. Insa waammate gedee hafuuraammaati; reyote gede ikkinonke diyitannoreeti. Gobba horritannohunna manna qafaddannohu kunniraati.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.