ISAYAASI 13:8 - Qullaawa Maxaafa

⁸ Iltanno mancho game amaddannohu gede, insano waajjillu goxano ho'lannonsa. Waajjillunni kainohunni baalunku mimmito alba la'anno.

ISAYAASI 13:8 ပူးပေါင်းရင်းမြစ်များ

LAYINKI MOOTOOLLA 19:26

Manninsara wolqa ba'ino; hexxono ba'eennansa tultaabbino; soojjaati bubbe mooshshitino daraarchi xawunnihu, qarmete hayissonna minu aana mu'ranno ishinchi gedeere ikkitino.

FAARSO 48:7

Wolqaataame soojjaati bubbe Terseesi markaawe assitu gede, assite cancanoottonsa.

ISAYAASI 26:17

Kaaliiqa, godowinni noo mancho game amaddeenna, shette xiixantannohu gede, ninkeno ate albaanni hatto ikkinoommo.

ERMIYAASI 13:21

Ella'yaati yoottari dargakki amadde gashshitannohe woyite mayaattayya? Iltanno mancho gede game diamaddannohe?

ERMIYAASI 30:6

Heddine la'e! Labbaahu gamaa'me ooso ilannoni? Mayiraatiyya labbaahu baalu, gamaa'mitanno mancho gede hallo cu'mi'rinohu? Mannu baalu albi xawulushshi mayira yiinoyya?

ERMIYAASI 4:31

Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.

ERMIYAASI 46:5

Qoleno, «Kune anera kayinni qeelantinanniti leeltanni nooe; waajjitine badhera gugattinanni heedhinoonni; waajjillu doyisse amade noo'ne.

ERMIYAASI 48:41

Katammanna qiisho baala amadantanno; hatte yannara Moaabi olanto game amaddino mancho gede ikkitanno.

ERMIYAASI 49:22

Allamurchu qoola fane eela buuwannohu gede, diinu Bootsira gawajjara qoqqobbisanno. Hatte yannara ki'ne Edoomi olanto wodani, game amaddino mancho wodani gedeeha ikkanno» yii.

ERMIYAASI 49:24

Demaasiqote mannira wolqa ba'anno; waajjite xooqqara ka'anno; gamaa'mitanni noo mancho gede, qarrunna shetto amaddannonsa.

ERMIYAASI 50:43

Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.

ERMIYAASI 51:30

Katammansa cufannanna waawanna hiiqqaqqantino daafiranna, minnansa giirantino daafira, Baabilooni bagadaano ola uurrissanno; bareende ba'eennansa shashoota ikkitanno.

HIZIQEELI 20:47

Wodiidi dubbirano, Mootichu Kaaliiqi, ‹Lai! Kuneeti ani giddokki giira qasammoraati; tini giirano shamanna moola baddukkinni haqqe baala ittanno; tenne giira xoyissannori dihee'ranno. Wodiidinni aliyye geeshsha iillitanno; hakkiira iillita geeshsha doogote xaaddure baala ittanno.

HOOSEI 13:13

Israeelete lubbotenni hee'rate hexxo noonsa. Kayinnilla ilamanno barri iillanno woyite amasi godowi goddonni fulara hasi'rannokki qaaqqi gede gowwoota ikkitino.

IYUEELI 2:6

Albansaanni daga baala huxidhanno; mannu baalu albi shibbi yaanno.

NAHOOMI 2:10

Nennewe Katami co'o yee bai; diigame ona ikke gati. Mannu baalunku wodani waajjillunni kainohunni daaqi. Guluchu baalunku qece yii; mannu baalunku halli leqe yii; baalunku albi xawulushshi yii.

YOHAANNISI 16:21

Ila rakkino meyati gamete barri iillinosehura yaaddanno. Iltuhu gedensaanni kayinni, tenne gobbara qaaqqu ilamino daafira hagiidhite qarrase habbanno.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.