ISAYAASI 13:20 - Qullaawa Maxaafa

²⁰ Hegere hegerera mannu hee'rannokkiwa ikkanno. Arabete mannino hakkiicho dukkana diqasi'ranno; allaalaasineno saada dihosiisidhanno.

ISAYAASI 13:20 ပူးပေါင်းရင်းမြစ်များ

LAYINKI DUDUWO 17:11

Filisxeemete manni mitu mitu lowo birranna addi addi afansha abbisi. Arabete manni qole 7,700 ge'reewu goccanna 7,700 meu gocca abbisi.

IYYOOBI 3:7

Hakku hashshi godombannikkihanna illeno ilillinsannikkiha ikko!

FAARSO ROORE FAARSO 1:7

Baxillaancho'ya, hanni ge'reewokki hosiisi'rattohu mamaatiro kulie! Barru taalootira caa'lanno gede assattohu hiikkooti? Ate hasi'ranni, alba diphitino mancho gede ikke mayira raataaweemma?

ISAYAASI 14:23

Baabilooni baatto rirriwa asseemmo daafira, ulaaulle qalantannowa ikkitanno; baote feyanchinni co'o asse feemmonsa. Konne coye coyi'roommohu ani Olantote Mootichi Kaaliiqaati» yii.

ISAYAASI 21:1

Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ISAYAASI 25:2

Katamma diigante mulla darga ikkitanno gede assootto; qiishonsano diigootto; diinnanke mi'nitinota mootete minna co'o assite hunootto; layinkimeeshsho minnannikki gede assootto.

ISAYAASI 34:17

Heedhanno darga Kaaliiqi hirqino; hakkiicho, sirchinsa siranna hegere geeshsha heedhanno.

ERMIYAASI 49:33

Kunnira, Hatsoori yeedaala heedhannowa ona gobba ikke gatanno; layinkimeeshsho hakkiichira heleqqi yaanno manni dihee'ranno. Konne coye coyi'roommohu ani Kaaliiqaati» yii.

ERMIYAASI 50:13

Hanqi'yanni kainohunni Baabilooni gobbara mittuno dihee'ranno; diigame gatanno; mulesiinni sa"annohu baalu mase bararraaqanno.

ERMIYAASI 50:21

Kaaliiqi, «Miratayiminna Feqoodi gosa aana bala tugge; shitine gudde. Ani yeemmo'nere baala asse. Konne coye coyi'roommohu ani Kaaliiqaati.

ERMIYAASI 50:3

Bala tugge Baabilooni mulla darga assitanno gosa, aliyyeenni ka'ino; saadano mannuno fule xooqanno; mitturino giddo digatanno› yiino yite kulinsa» yiie.

ERMIYAASI 50:39

Baabilooni gobbara durriisu, gotunna awulo calla heedhanno; mannu layinkimeeshsho hakkiicho dihee'ranno.

ERMIYAASI 50:45

Kunnira, ani Kaaliiqi Baabilooni Kataminna, giddo heedhinanni manni ani hedoommore macciishshe; ooso'ne nafa goshoonshe haa'ne ha'nanni; la"annohu baalu bararraaqanno.

ERMIYAASI 51:25

Qoleno Kaaliiqi Baabilooni gosara, «Ki'ne gobba baala huntinoonniri, ilaalu gede to'ine manna guddinoonniri Baabilooni gosa, anino ki'ne hatto asse gudeemmo. Buluushshe mulla darga asseemmo'ne.

ERMIYAASI 51:29

Baabilooni mitturino hee'rannokkiha ona ikkanno gede, Kaaliiqi hedino coye wonshanno daafira, baatto qece yite huxidhanno.

ERMIYAASI 51:37

Baabilooni diigame duuno ikkeenna, aanaho yeedaala kukkubbitanno. La"ate bararraanqanniha ikkanno; giddosi mittu manchino dihee'ranno; afihu baalu qacifatannosi.

ERMIYAASI 51:43

Katammasi wayi hee'rannokkita, moolanna mullicho ikkitanno. Hakkiicho hee'rannohu dino; heleqqi yaannohano dianfanni.