ISAYAASI 13:2 - Qullaawa Maxaafa

² Mitturino mu'rannokki ilaali aana heedhine malaate worre! Boonaleeyye Baabilooni gashshaano waalcho higge e'anno gede olantote lallabbine kulle.

ISAYAASI 13:2 ပူးပေါင်းရင်းမြစ်များ

FAARSO 60:4

Bagaduwiinni gattanno gede, waajjitannoherira malaate oottonsa.

ISAYAASI 10:32

Techo hakku diini Noobi Katamira no. Yerusaalamete Katamira nooha Tsiyooni Ilaala waajjishiishate anga irbanni no.

ISAYAASI 11:12

Hatte yannara, Mootichu Israeelenna Yihudu manna baala billaallinowiinni shoolente maddenni gamba assinota egensiisate malaate uurrisanno.

ISAYAASI 11:15

Kaaliiqi Gibitsete lawo mooshshanno; mannu baalu lekkatenni sa"anno gede Efiraaxisi Waa jawa bubbenni woggare mooshshe 7 shiimmaaddu xashshira soorranno.

ISAYAASI 18:3

Baattote aana heedhinoonniri baalu macciishshe! Ilaallate birxera noo baandiri wele wele yaanno woyite buuxxe! Buudu xurumba ufuunfanni woyiteno macciishshe.

ISAYAASI 19:16

Hakko barra Gibitsootu waajjite meyate gede ikkitanno. Olantote Mootichi qorichishansara anga gotti assanno woyite waajjite huxidhanno.

ISAYAASI 31:9

Masillunni kainohunni qiishonsa diigantanno; bagadaanonsa baandiransa nafa hunte xooqqanno. Giira'ya Tsiyooni nooehu, xo'annokki giira'ya Yerusaalamete nooehu, ani Kaaliiqi konne coye coyi'roommo» yaanno.

ISAYAASI 5:26

Kaaliiqi wole daga xeertotenni woshshate malaate uurrisanno; baattote qacce baalatenni fiiqattotenni woshshanno; insano muddantanni rakke dagganno.

ERMIYAASI 50:2

«Daga baalate duduwo kulle; ge'recho qassine lallabbe. Mittoreno gatissinikkinni, ‹Kune Baabilooni amadamaraati; maganinsa Marduki hiiqqamaraati; tiyyi'nanniti misillansano cancanantaraati.

ERMIYAASI 50:41

Kaaliiqi qole, «Aliyye ragira qoltine la'e; kune fafo gobbara, wolqaataame daga olaho qixxaabbanni no.

ERMIYAASI 51:12

Baabilooni huxxa diigate malaatisse; seekkitine agarre. Qotannohano worre; gaa'le agarannoha qixxeesse. Konne coye assitinannihu, Kaaliiqi Baabilooni mannira hedinore wonshateeti.

ERMIYAASI 51:25

Qoleno Kaaliiqi Baabilooni gosara, «Ki'ne gobba baala huntinoonniri, ilaalu gede to'ine manna guddinoonniri Baabilooni gosa, anino ki'ne hatto asse gudeemmo. Buluushshe mulla darga asseemmo'ne.

ERMIYAASI 51:58

Hala'ladu Baabilooni huxxi toe, baattote ledo xaadanno. Seeddaanna cufannasi giirantanno; mannisi daafurino mullawa gatanno. Mannisi daafure assinori baalu giirame ba"anno. Konne coye coyi'roommohu ani Olantote Mootichi Kaaliiqaati» yii.