ISAYAASI 13:18 - Qullaawa Maxaafa

¹⁸ Wedellansa maxxunninna worbichunni shitanno; qaaqquulleno diagurtanno; shiimmaadda oosono dimarartanno.

ISAYAASI 13:18 ပူးပေါင်းရင်းမြစ်များ

LAYINKI MOOTOOLLA 8:12

Azaheeli, «Mooticha'ya, mayira wi'latto?» yee xa'misi. Elsaino daware, «Wi'leemmohu Israeelete manna gawajjatto gara afeeti; qiishonsara giira qasatto. Wedellansa bisetenni shaatto; qaaqquullensa baattote aana tugge cancanatto; godowinni noo meentirano godowa daratto» yiisi.

LAYINKI DUDUWO 36:17

Kunnira Baabilooni moote gawajjannonsa gede haa're abbi. Baabilooni mooteno Qullaawa Mine noore nafa agurikkinni Yihudunnita aja ooso baala shee gudi. Maganu sayise uyinosi daafira aju akkali, meya labbaahu gatikkinni baalanka mararikkinni gudino.

FAARSO 127:3

Ooso Kaaliiqiwiinni afi'nanni eltooti; halaalaancho maassooti.

ISAYAASI 13:16

Qaaqquullensa albansaanni doddolle shinanni; minnansa sonqanni; meentonsano shollinshanni.

ISAYAASI 47:9

Mitto barra kuni lamunku coyi, hedeweelcho aanakki daanno; aye geeshsha kiilsiisi'rittaronna masaalsiisi'rittaro nafa, galtekkinna oosokki hoogakki digattannote.

ISAYAASI 5:28

Maxxinsa qaraamoho; digaaninsa gonninoonniho; faradinsa kotte reeqqiichote gedeete. Faradi gaarensa lami-qale hombobottete gede diiddo ga'nitannote.

ERMIYAASI 18:21

Kunnira oosonsara hude soyi; insano olunni gooffanno gede assi. Meentinsa gunnootanna ilaweeloota ikko; jajjabbu dhibbunni wedellu olunni, gooffanno gede assi.

ERMIYAASI 5:16

Insa baalunku bagadaanote; bagadinsano diso'rannoho.

ERMIYAASI 50:30

Kunni daafira, wedellansa dooggate aana shinanni; olantonsa baala hakko barra gooffanno. Konne coye coyi'roommohu ani Kaaliiqaati.

ERMIYAASI 50:42

Insa digaananna urde amaxxitinoreeti; kaajjaddahonna marartannokkireeti; faradinsa hirbi dambalu gedeeho. Baabilooni, kune insa ate qassara dagganni no.

ERMIYAASI 51:22

Atenni meya labbaaha, ajanna akkala, oosonna seenne cancanoommo.

ERMIYAASI 6:23

Insano digaananna urde amaxxite nooreeti; kaajjaddahonna marartannokkireeti; faradinsa hirbi dambalu gedeeho. Yerusaalame! Kune insa ate qassara dagganni no» yii.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

DAANIEELI 7:5

Layinki moyichi lowohonna waajjishannoho. Badhiidi lekkuwanni shankaffi yee uurrinoha Dibi yinanni moyicho lawanno. Hinkosinni 3 midashshu miqqa ga'me hee'reenna, «Hasi'ritto geeshshi maala iti!» yine kullisi.

HOOSEI 13:16

Samaariyu anera maahoyye giwino daafira qorichisheemmo; mannisino olunni reyanno. Qaaqquullu baattote aana cancanamanno; godowinni noorihu godowinsa dadhamanno» yii.

NAHOOMI 2:1

Nennewe! Kade gashshanno diini dayinohe. Kunnira, qiishokki kaajjishi'ri, doogokki seekkite agadhi; hallokki qodhi. Wolqakki baala kaajjishidhe olaho qixxaawi.

NAHOOMI 3:10

Tenne kaa'lo giddoonni, Tebisi Katama diinu horreenna, mannisino qafadamino; qaaqquullesino kinnatenni cancanne doogga baalate tungoonni. Ejjeettonsano hixa ga'nite beeqqite cagaagetenni usurte haadhe hadhinonsa.