ISAYAASI 13:14 - Qullaawa Maxaafa

¹⁴ Ugaaxe shorritanno bullichi gedenna allaalaanchu nookki ge'reewi gede raataawanni noo manni baalu fiixisiwa higanno; gobbasi widira hige xooqanno.

ISAYAASI 13:14 ပူးပေါင်းရင်းမြစ်များ

UMI MOOTOOLLA 22:17

Mikaya daware, «Israeelete olanto baala allaalaanchu nookki ge'reewi gede ikkite ilaallate aana billaallitanna afoommo. Kaaliiqino, ‹Kuni manni gashshannoha diafi'rino. Kunnira rahe keerunni qae higo› yiino» yiisi.

UMI MOOTOOLLA 22:36

Arrishsho e'ara rakkuta Israeelete gaadaannuwa, «Olu uurrinona, mannu baalunku gobba gobbasinna qae qaesi higo!» yitu.

ISAYAASI 17:13

Gosa foonchu wayi gede luulturo nafa, Kaaliiqi rufannonsa woyite ilaalu aana billaallinsoonni galawi gedenna hombobolatte kayissino buko gede ikkitanno.

ISAYAASI 21:15

Kuni manni bagadunna urdetewiinni xooqanni nooho.

ISAYAASI 47:15

Anjekkinni kayisse kiilsiisi'rattarinna masaalsiisi'rattari ma kaa'litinohe? Baalunku so'ronsa ledo heedhanno; gatisahera dandaannohu mittuno dino» yii.

ERMIYAASI 25:12

« ‹70 diri gedensaanni kayinni, Baabilooni mootenna mannasi bunshensa daafira qorichisheemmo. Baattonsano hegerera ona asse agureemmo.

ERMIYAASI 50:16

Baabilooni gobbara gide wixi'rannohunna, wixi'rinoha mixxannohuno hee'rannokki gede asse. Hatte gobbara hee'rannohu wole gobba manni, bagadaasine waajje gobbasi hige xooqanno» yii.

ERMIYAASI 51:9

Hakko hee'rannohu wole gobba manni, ‹Ninke hursate wo'naalloommo. Ikkollana dihurino; Kaaliiqi lowo hanqinni co'o asse hunasira murci're kainona, agurre gobbanke ha'no› yaanno» yii.

NAHOOMI 3:18

Asoori moote, jajjabbikki gooffe hegere geeshsha reyite goxxino. Mannikki ilaalla baalantera billaallino; gamba assannohano diafi'ranno.

MAATEWOOSI 9:36

Allaalaanchu nookki ge'reewi gede ikke qarramenna gara hawe noo manna afe marari.

MAARQOOSI 6:34

Yesuusi yowolote aaninni dirri woyite, lowo manni allaalaanchu nookki ge'reewi gede ikkinota lae marare, lowo coye rosiisinsa.

UMI PHEEXIROOSI 2:25

Ki'ne baino ge'reewi gede ka'anna kawa raataabbinoonni; xa kayinni lubbo'ne allaalaanchiwanna agaraanchiwa higginoonni.