ISAYAASI 12:6 - Qullaawa Maxaafa

⁶ Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 12:6 ပူးပေါင်းရင်းမြစ်များ

FAARSO 132:14

Kuni hegerera fooliishshi'reemmo dargaati; hakko hee'rammora hasi'reemmo daafira teesso'ya assi'reemmo.

FAARSO 135:21

Kaaliiqa Tsiyooni galattesi; teessosira Yerusaalamete galattesi. Kaaliiqa galattesi!

FAARSO 46:5

Kaaliiqi mereerosi noo daafira katamu dishafamanno; Kaaliiqi konne katama soodo balaxe kaa'lanno.

FAARSO 68:16

Batinye birxe afi'rino ilaalira heedhinanniri Baasaani manni, hegerera Maganu hee'ranno ilaalira, Magano magansi'ranno manna busha illenni mayira la'inanni?

FAARSO 71:22

Anino halaalaanchimmakki daafira, baganunni galateemmohe. Israeelete Qullaawa Magano! Maasinqotenni faarseemmohe.

FAARSO 89:18

Agaraanchinke Kaaliiqiwiinniiti; Israeelete Qullaawa ikkinohu Maganu moote uyinonke.

FAARSO 9:11

Tsiyooni hee'rannohura Kaaliiqira faarse; assinoreno dagate kulle;

FAARSO 99:2

Kaaliiqi Tsiyooni jawaho; daga baalate gashshaannaati.

ISAYAASI 1:24

Kunnira ani Wolqaataamu Israeelete Gashshaanchi Olantote Mootichi Kaaliiqi, «Ki'ne diinna'ya rabbisi'reemmo'ne. Hakkunni gedensaanni ane aana qarra dikalaqqinanni.

ISAYAASI 10:24

Kunnira, Olantote Mootichi Kaaliiqi, «Tsiyooni heedhinanniri manni'ya, alba Gibitsootu gadadissu'ne gede assite gadadissu'nerono Asooroota waajjitinoonte.

ISAYAASI 24:14

Baotenni gattinori hagiidhite ilillissanno; galchimaanni noorino Kaaliiqi jawimma kultanno.

ISAYAASI 24:23

Olantote Mootichi Kaaliiqi, Tsiyooni Ilaalira Yerusaalamete moohanno daafira, aganu tunsanno; arrishsho xo'anno; gashshaano baala ayirrinyesi la'anno.

ISAYAASI 30:19

Ki'ne Yerusaalamete manni, xaate kunni ka'a diwi'litinanni; Kaaliiqi shaqqado ikkino daafira kaa'lanno'ne gede huuccidhinanni yannara macciishshe dawaranno'ne.

ISAYAASI 33:21

Diininke yowolonna markaawe hadhannokkiwa, daadanno wayinna jajjabba xashshuwa gama, Kaaliiqi ayirrinyisinni ninke ledo hee'ranno.

ISAYAASI 33:24

Tsiyooni hee'ranno manni giddo, «Dhiwamoommo» yaannoha dianfanni. Hakkiicho hee'ranno mannira baalaho, cubbonsa agurranninsa.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 41:14

Ati da'muulchu gedee wolqiweeli, ani kaa'leemmohena waajjitooti. Wodeemmohehu ani Kaaliiqaati; ani Israeelete Qullaawaati.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 54:1

Kaaliiqi, «Yerusaalame, ate alba ilaweelo manchooti yinoonnihe; xa kayinni galtesewiinni baxxite egentinokki manchonni roore, lowo ooso afi'rattaraatina hagiirrunni ilillisi.

ISAYAASI 60:16

Oososera unuuna qansitanno ama gede, ate daganna mootoolla towattannohe. Atino ani Kaaliiqi gatisaanchokkinna wodeemmoheha, wolqaataamo Yaiqoobi Magano ikkoommota afatta.

ISAYAASI 8:18

Kuneeti, Tsiyooni Ilaalira hee'rannohu Olantote Mootichi Kaaliiqi, anenna uyinoe ooso Israeelete malaatenna qorophishiishsha asse soyinonke» yii.

ERMIYAASI 10:6

Kaaliiqa'ya, ate gedeehu dino; ati wolqaataamoho; su'mikkino jawahonna waajjinanniho.

HIZIQEELI 35:10

« ‹Kaaliiqi Maganonsa ikke hee'reennanni, lamenka manna Yihudanna Israeele baattonsa ledo umikkire assi'rate hedootto.

HIZIQEELI 39:7

Qullaawu su'mi'ya manni'ya Israeelete mereero egennamanno gede asseemmo; kunni ka'a su'mi'ya xonamara wore diagureemmo. Hakkunni gedensaanni, daga baala ani Kaaliiqi Israeelete Qullaawa ikkoommota affanno» yii.

HIZIQEELI 43:7

«Koo manchi beetto, kuni ayirrinyu barcima'yaati. Konne Israeelete manni mereero hegerera hee'reemmo. Kunni ka'a insanna mootoollansa kaphu maganna magansi'ratenni woy konniicho mootoollansa waa'matenni qullaawa su'ma'ya dibatteessitanno.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

HIZIQEELI 48:8

Kaaliiqi, «Aantanno baatto badante addi hajara ikkitanno. Tini baatto hojja, aliyyenni wodiidi geeshsha 12,500 qaafo ikkitanno. Godowa, soojjaatinni galchimi geeshsha noo danni wolootu ga're baatto ledo taaloho. Qullaawu Minino kunni qoqqowi giddo hee'ranno.

HOOSEI 11:9

Kunnira, hanqi'ya qoomama diabbeemmo; layinkimeeshsho Israeele dihuneemmo. Hatto asseemmokkihu, ani Maganoho ikkinnina manna ikkoommokki daafiraati. Qullaawu ani ki'ne giddo hee'reemmo; tenne ki'newa hanqi'yanni didayemmo.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

SOFFOONIYAASI 2:5

Ki'ne Kana"aani gobbara baaru gama heedhinannirira Kelitootaho yinanni Filisxeemootira aanne'e! Kaaliiqi, mittuno gattinikkinni co'o asse hunanno'ne.

ZAKKAARIYAASI 2:5

ani umi'ya gaangaawisera giirate huxxa ikke katama agareemmo gedenna wo'mu ayirrinyi'yanni hakkiicho mereerosi hee'reemmo› yee hexxo uyinosita kuli» yiisi.

ZAKKAARIYAASI 2:9

Qoleno, «Kaaliiqi umisi ki'ne qasanno'ne; soqqamanno'ne mannino daware ki'ne mulqi'ranno» yii. Kuni duuchu ikkanno woyite, ane soyinoehu Olantote Mooticha Kaaliiqa ikkinota mannu baalu afanno.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

MARRO 23:15

«Mittu borojjichi mootichisiwiinni xooqe mare Israeelete eeggo eiro, mootichisira sayissine uyitinoontesi.