ISAYAASI 12:5 - Qullaawa Maxaafa

⁵ Ayirrado coye assinona, Kaaliiqira faarse! Kuni loosisi gobba baalate egennamo!

ISAYAASI 12:5 ပူးပေါင်းရင်းမြစ်များ

FAARSO 105:2

Kaaliiqira galatu faarso faarse; assino dhagge baala kulle.

FAARSO 72:19

Galataminohu su'misi hegere hegerera maassamo; galatisino baatto baala wo'mo! Hamii'ni! Hamii'ni!

FAARSO 98:1

Kaaliiqi dhaggete looso loosino daafira, isira haaro faarso faarse; umisi wolqanninna qullaawa jawaantesinni qeelle afi'rino.

FULO 15:1

Hakkunni gedensaanni, Musenna Israeelete manni kunninni aante noo faarso Kaaliiqira faarsitu: Faradonna faradaasine baaru giddo hune, lowo qeelle uyinonkena, Kaaliiqira faarseemmo.

FULO 15:21

Maariyaamino faarsitanni, «Faradonna faradaasine baaru giddo hune, qeelle haraqi'rinona Kaaliiqira faarse» yitu.

ISAYAASI 24:14

Baotenni gattinori hagiidhite ilillissanno; galchimaanni noorino Kaaliiqi jawimma kultanno.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 42:10

Ki'ne baaru aana hadhinanniri, baaru giddo heedhinanni kalaqami baalu, Kaaliiqira haaro faarso faarse! Xeerto gobbara heedhinanniri baalu faarse!

ISAYAASI 42:11

Halallinna halalla noo katamma baala, Qeedaari gosa heedhanno halalli baalu qoonqosi naggi asso! Seelai Katamira hee'ranno manni baalu, ilaallate iima hee're ilillisanni faarso!

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

IMBAAQOOMI 2:14

Wayi baaraho wo'minohu gede, Kaaliiqi ayirrinye afano baatto wo'mitanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!