ISAYAASI 12:2 - Qullaawa Maxaafa

² Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 12:2 ပူးပေါင်းရင်းမြစ်များ

LAYINKI SAAMUEELI 7:24

Mannakki Israeeleno hegerera atere assi'rootto. Mooticha, atino Maganonsa ikkootto.

IYYOOBI 13:16

Magano afinokki manchi, albisira shiqa dihasiissanno; ani kayinni, Maganu albaanni uurreemmo; isino gatisannoe.

FAARSO 112:8

Baarigaarrasi qeelantannota ammanino daafira, diyaadanno; diwaajjanno.

FAARSO 118:14

Wolqa'yanna jawaante'ya Kaaliiqaati; gatisinoehuno isooti.

FAARSO 118:21

Kaaliiqa'ya, huuccatto'ya macciishshoottoehuranna, qeelle oottoe daafira galaxxeemmohe.

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 65:6

Jawaata wolqakki leellishshanni, ilaalla base basensara uurrisootto.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 68:21

Addinta Maganu baarigaarrasi umo cancananno; bunshete doogo agurtannokkiri sammo dhodhoosanno.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FULO 15:2

Kaaliiqa faarseemmohu wolqa'ya ikkinohuraati; diini'ya anganni gatisinoehuno isooti. Isi Magano'yaatina galaxxeemmosi; anni'ya Maganootina, ayirrisi'reemmosi.

ISAYAASI 10:24

Kunnira, Olantote Mootichi Kaaliiqi, «Tsiyooni heedhinanniri manni'ya, alba Gibitsootu gadadissu'ne gede assite gadadissu'nerono Asooroota waajjitinoonte.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 27:5

Woyinete dargi addaxxe anewa dayiro, anera fiixa ikkanno; ane ledo keere hee'ranno.

ISAYAASI 32:2

Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 38:20

Kaaliiqi gatisannoe; kunnira lubbotenni hee'noommo geeshsha, isi mine galatu faarso maasinqotenni faarsineemmo.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ISAYAASI 49:5

Kaaliiqi ama'ya godowi giddo hee'reennanni doorinoe; billaallinoha Yaiqoobi sircho Israeelete manna gamba asseemmo gede, soqqamaanchosi assi'rinoe. Kaaliiqi albaanni ayirrinye afi'roommo; Magani'yano wolqa ikkinoe.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 51:12

Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 62:11

Kaaliiqi daga baalate, « ‹Tsiyoonira, gatisaanchikki daanno; mannaho aanno ba'raa'rino angasi no› yitine kulle» yee lallawi.

ISAYAASI 65:18

Ani kalaqeemmori baalunni, hegere geeshsha tashshi yoo'nena hagiidhe! Ani kalaqeemmoti haaro Yerusaalame hagiirru wo'minota ikkitanno; manniseno hagiirraamo ikkanno.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ERMIYAASI 23:6

Isi moohanno waro, Yihudu keere hee'ranno; Israeeleno harshammi yitanno. Su'masino, ‹Kaaliiqi keeraanchimmankeeti› yinanni.

ERMIYAASI 3:23

Halaalinta gaarrate birxe fulle, kaphu maganna magansi'ranke mittoreno dileddinonke. Israeele gatisattohu Maganinke Kaaliiqi ate callaati.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

HOOSEI 1:7

Yihudu manna kayinni marareemmo. Ani Maganinsa Kaaliiqi gatiseemmonsa; gatiseemmonsahuno olunni di"ikkino. Bisetenni, digaanunni, maxxunni, woy faradunna faradaasinetenni di"ikkino» yii.

IYUEELI 2:23

«Ki'ne Tsiyooni gosa, Magani'ne Kaaliiqinni tashshi yoo'nena, hagiidhe. Isi taashshe, bashsho gede badheessinna hawadi xeena, ikkanno geeshshiha uyino'ne.

YOONAASI 2:9

Ani kayinni galatu faarsonni, atera kakkalo shiqishi'reemmohe; xa'noommo xanono uyi'reemmohe. Gato ate Kaaliiqiwiinniiti» yee huucci'ri.

IMBAAQOOMI 3:18

tenne baalate giddoonni, anera Kaaliiqinni tashshi yaannoe; gatisaanchi'ya Maganunni hagiidheemmo.

ROOMU SOKKA 1:16

Danchu Duduwi amma'nitinore baala balaxe Ayihude, aancheno daga gatisate Maganu wolqaati. Kunnira, ani Danchu Duduwinni disaalfateemmo.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

YOHAANNIS AJUUJA 7:10

Qoonqonsa naggi assite, «Gato ayirradu barcimira ofollino Maganitenna, Ge'rechunnite» yitu.

UMI SAAMUEELI 2:1

Haanna huuccidhanni, «Kaa'lokkinni hagiirsiisoottoe daafira, wodani'ya ate Kaaliiqinni hagiidhi. Haxo'yano gotti yitu; baarigaarra'ya albaanni afii'ya fa'ni.