ISAYAASI 12:1 - Qullaawa Maxaafa

¹ Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 12:1 ပူးပေါင်းရင်းမြစ်များ

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

IYYOOBI 11:16

Qarrakki, sae ha'rino wayi gede hawatto.

IYYOOBI 13:16

Magano afinokki manchi, albisira shiqa dihasiissanno; ani kayinni, Maganu albaanni uurreemmo; isino gatisannoe.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

FAARSO 71:21

Albinni roore ayirrado assattoe; galagalchite jawaachishattoe.

FAARSO 85:4

Magano gatisaanchonke ballo, haaroonsinke; hanqokkino aaninkenni badhara qoli.

FAARSO 86:17

Kaaliiqa ballo, ellekki malaate leellishie; ati kaa'lattoetanna jawaachishattoeta, gibbannoeri affe saalfattanno.

FAARSO 9:1

Kaaliiqa, wo'mu wodani'yanni galateemmohe; assootto dhagge baalanta kuleemmo.

ISAYAASI 10:25

Shiima yanna gedensaanni ki'nera hanqoommohu hanqi'ya higanno; hakkunni gedensaanni insa gudeemmo.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 11:16

Akaakkansa Gibitsetenni fultu waro assinte gede, baotenni gattinoti Israeelete taraare Asoorinni fultanno doogo qixxeessanno.

ISAYAASI 14:3

Kaaliiqi qarrunninna yaaddotenni heedhinanniwiinni fushshanno'ne waro,

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 25:1

Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 26:1

Hakka waro Yihudu baattora kunninni aante noo faarso faarsinanni: Kataminke jawaataho; Maganu huxxanna gatote qiisho seekkinosi.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 54:7

«Shiima yanna callichokki aguroommohe; ikkirono lowo baxillinni galagalche anewa qoleemmohe.

ISAYAASI 54:8

Lowo geeshsha hanqoommo daafira shiima yanna alba shawwu yoommohe; xa kayinni gatisaanchikki ani Kaaliiqi, marare hegere geeshsha baxeemmohe yoommo.

ISAYAASI 54:9

«Nohi yannara, ‹Layinkimeeshsho wayinni digudeemmo› yee xaarummonte gede, xaano, ‹Atera layinkimeeshsho dihanqeemmohe› yee xaareemmo; kunni ka'a dihanqeemmohe; dirufeemmohe.

ISAYAASI 60:10

«Ani hanqe qorichishoommohe; xa kayinni marareemmohe. Allaggikki huxxakki huxxitanno; mootoollansa soqqantannohe.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 64:5

Hisatte atera hajajantannorenna, ati hedoottore assitannore baala kaa'latto. Ninke cubbi kayinni hanqisinohe; kunnira, ganteemmohu ati kaa'littonkerootilla.

ISAYAASI 65:18

Ani kalaqeemmori baalunni, hegere geeshsha tashshi yoo'nena hagiidhe! Ani kalaqeemmoti haaro Yerusaalame hagiirru wo'minota ikkitanno; manniseno hagiirraamo ikkanno.

ISAYAASI 66:13

Ama qaaqqose dogisiisidhannohu gede, anino ki'ne Yerusaalamete hagiidhitinanni heedhinanni gede asseemmo'ne.

ERMIYAASI 30:19

Hakko hee'ranno manni galatu faarso faarsanno; hagiirrunni ilillisanno; kiironsa batidhannota ikkinnina dixe'anno; ayirradda asseemmonsa; ajishe la"annonsahuno dihee'ranno.

ERMIYAASI 31:13

Hatte yannara seenninsa hagiidhe kukkubbanno; labballi oosonsanna geerrinsa qeexaa'lanno. Wodana qoleemmonsa waro, wi'lansa hagiirreho, dadillensa hisanyooteho soorreemmo.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

ZAKKAARIYAASI 1:16

Kunnira, Yerusaalamete Katama maarammora galagale dayemmo; Qullaawu Mini'yanna katamu gatamaramanno› yiino yite lallawi» yiie.

ZAKKAARIYAASI 14:20

Hatte yannara, faradu goowira qili yaanno bilbili baalu aana, «Kaaliiqira aamaminoho» yine borreessinanni. Kaaliiqi Mine nooti gafi'nanni midaancho, kakkalote dargi saane gede qullaawa ikkitanno.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

ZAKKAARIYAASI 8:11

Xa kayinni, qafadotenni gatte higgannorira alba assummo gede diasseemmo.

ZAKKAARIYAASI 8:19

«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.

ROOMU SOKKA 11:15

Maganu insa tugi yannara, alame Maganu ledo araarantino. Maganu insa adhanno woyite mayi kalaqamannoha lawanno'ne? Hatti, reyotenni ka"ate gedeeti yaate!