ISAYAASI 11:9 - Qullaawa Maxaafa

⁹ Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 11:9 ပူးပေါင်းရင်းမြစ်များ

IYYOOBI 5:23

Loosi'ratto baatto giddo kinna diheedhanno; dubbu moyichino dikisannohe.

FAARSO 72:19

Galataminohu su'misi hegere hegerera maassamo; galatisino baatto baala wo'mo! Hamii'ni! Hamii'ni!

FAARSO 78:54

Qullaawa baatto, isi umisi amadinotewa, ilaalaame gobba haa're abbinsa.

ISAYAASI 11:13

Hakkunni gedensaanni Israeele Yihuda dihettissanno. Yihuduno Israeelete aana dika"anno.

ISAYAASI 11:8

Daaimu hamashshu bale mule godo'lanno; qaaqqu buutete balera anga woranno.

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 32:16

Hakkiicho halaalunna taashsha, darga amaddanno.

ISAYAASI 33:6

Techo geeshsha hee'rankera kaiminke isooti; mannaho gato, hayyonna egenno aanno; Kaaliiqa waajja ninkera lowo jirooti.

ISAYAASI 35:9

Doobbiyunna waajjishanno moyichi, hakkiicho dihee'ranno; Kaaliiqi gatisinonsa manni callu, hakkaanni hige ha'ranno.

ISAYAASI 45:6

Hatto asseemmohuno, soojjaatinni galchimi geeshsha noo gosa, ani callu Kaaliiqa ikkoommotanna, ane agurranna wolu nookkita affanno gedeeti.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 52:10

Maganinke Kaaliiqi daga baalate wolqasi leellishanno; gobba baalano gatisaanchimmasi la'anno.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 59:19

Bubbimma jiganno lolahi gede ikke daanno daafira, galchiminna soojjaati gosa, Kaaliiqanna ayirrado wolqasi waajjitanno.

ISAYAASI 65:25

Hiyyeeyyenna ge'reewu wilii'li mitteenni hosanno; doobbiichuno handu gede galawa itanno. Hamashshu bukolla laaxanno; insa Qullaawu Ilaali'yara Tsiyooni, digawajjitanno; mittoreno dihuntanno» yii.

ISAYAASI 66:18

Anino loosonsanna hedonsa afoommo daafira, gosa baala gamba assammora dayemmo; gamba yite dagganno woyite ayirrinye'ya affanno.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ERMIYAASI 31:23

Israeelete Magani Olantote Mootichi Kaaliiqi, «Manna'ya gobbansa qoleemmo waro Yihudahonna katammansara hee'ranno manni, ‹Kaaliiqi hee'rannohu Qullaawu Ilaali maassamo› yaanno» yii.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 47:5

Hakkiinnino sae 500 qaafo bikki; hakku wayino lowo geeshsha diime ikkinohura, giddoonni hige sa"ammora dandeemmokkiho. Daanke fulliro ikkinnina fulle dianfanniho.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 12:4

Qoleno, «Daanieeli, kalqete goofimarchi geeshsha maxaafa cuffe maatama aanaho gani. Hatte yannara lowo manni egenno hasi'ranni dargunni darga sa"anno» yii.

HOOSEI 2:18

Hatte yannara manni'ya ledo gondooro e"eemmo. Moyichunna allaatte manna'ya gawajjitannokki gede asseemmo. Hattonni bagado baala baattote aaninni hooleemmo. Biseno maxxuno horonta dihee'ranno. Manni'ya harshammi yee keerunni hee'ranno gede asseemmo.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

IMBAAQOOMI 2:14

Wayi baaraho wo'minohu gede, Kaaliiqi ayirrinye afano baatto wo'mitanno.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

UMI TESELONQE 5:15

Bunshe assinohura ayino bado qoloonke. Hatteentenni wo'manka woyite mimmiti'neranna wolu manni baalaho dancha coye assate jawaatte.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.