5 Mannasi taashshatenninna halaalunni gashshanno.
Uddanote gede dibbosi; hiitote gede halloho xaaxantosi.
Joongillenna taashsha qolate, xirchikkinni qeelle afi'ratto gede gulufi; wolqaataame cigilekki jawa looso loossanno.
Atera baaru wolqa hajajantannohe; kaino dambalano uurrisatto.
Kaaliiqi mootete; kalqeno kaajjishe uurrisino; iseno dishashshafantanno.
Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.
Taashshe gashshanno moote daannoti yanna iillitino; ledosi gashshaanono halaalu yoo yitanno.
Isi keeraanchimma siwiilu uddano gede uddi're, gatissanno wolqano siwiilu gullee gede asse wodhi. Isi coye baala taashshate, manna shetissannore qorichishatenna rabbisate, lowo geeshsha halchi.
Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.
Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.
Gondooro'yano agare galte'ya assi'reemmohe; atino ani Kaaliiqa ikkoommota afatta.
Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.
halaalaanchu qaalinni, Maganu wolqanni, gura qiniitira ikkannoha keeraanchimmate bagado amaxxatenni;
Halli'nera halaale sinnaaru gede qodhitine, keeraanchimma gagasu uddano olunnite gede assitine uddidhine,
Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.
Kiristoosi manninatisinni qarra adhino daafira, ki'neno tenne hedo olu uduunnichi gede assitine qodhe. Manninatisinni qarra adhinohu cubbo loosa agurinona.
Cubbonke Maganoho ku'linummoro, isi ammanaminohanna keeraancho ikkinohura, cubbonke baala agurannonke; saonke baalatennino keereensannonke.
Hakko uduunni mereero manchi beetto lawannoha afummo. Isi hunda iillitinota seeda uddano uddi're no; gagasoho culku hiito usudhe no.
«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu:
