ISAYAASI 11:2 - Qullaawa Maxaafa

² Kaaliiqi Ayyaani isi aana fooliishshi'ranno; hayyotenna wodanchate Ayyaani, amaaletenna wolqate Ayyaani, egennotenna Kaaliiqa waajjate Ayyaani isi aana hee'ranno.

ISAYAASI 11:2 ပူးပေါင်းရင်းမြစ်များ

LAYINKI SAAMUEELI 23:3

Israeelete Magani coyi'rinoe; Israeelete goli anera, «Ane Magano waajjatenni taashshe gashshanno moote,

FAARSO 72:2

Kunni garinni mannakki taashshe gashshanno; qarraataammikkirano halaalaancho yoo yaanno.

FULO 28:3

Aarooni anera baxxe qeesimmatenni soqqamannoe woyite uddi'ranno imaana gantanno gede, imaana ganate ogimma oommonsare woshshi.

ISAYAASI 28:6

Yoo yitannorira coye taashshate hayyo aannonsa. Katamu huxxi waalcho agartannorirano wolqa ikkannonsa.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 48:16

Anewa shiqqine yeemmore macciishshe! Bi're hundinni kayise mittoreno gole dicoyi'roommo; kuni coyi ikkinkunni ani hakkiicho noommo» yii. Xaano kune ane Mootichu Kaaliiqi, Ayyaanisi ledo soyinoe.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

MAATEWOOSI 3:16

Yesuusi cuuame kae wayi giddonni fulanni hee'reennanni, gordu fa'nameenna Maganu Ayyaani lembooli gede ikke dirre aanasi ofollanna afi.

YOHAANNISI 14:17

Isino halaalu Ayyaanaati. Tenne gobba manni afinosikkinna egenninosikki daafira, adhasira didandaanno. Ki'ne kayinni, isi ledo'nenna giddo'ne hee'ranno daafira affinannisi.

YOHAANNISI 15:26

«Ikkollana, jawaachishannohu, Anni'yawiinni soyemmo'nehunna Anni'yawiinni fulannohu halaalaanchu Ayyaani daanno woyite, isi anere farci'ranno.

YOHAANNISI 16:13

Halaalu Ayyaani daanno woyite halaalu baalunniwa massaganno'ne. Isi macciishshinohalla coyi'ranno ikkinnina umisinni dicoyi'ranno. Qoleno kunni albira ikkanno coye kulanno'ne.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

UMI QORONTOOSI 1:30

Maganu kayinni ki'nera Yesuusi Kiristoosi ledo mittimma heedhanno'ne gede assino. Kunnira, Maganu Yesuusi Kiristoosi ninkera egennonke, keeraanchimmanke, qullaambenkenna wodonke ikkanno gede assino.

MARRO 34:9

Muse dargasi amadanno gede angasi aanaho worinosi daafira, Kaaliiqi Newe beettira Iyyaasura egenno wonshisi. Israeeleno macciishshitusi; Maganu Muse widoonni qole hajajinonsare baalano wonshitu.

LAYINKI XIMOOTEWOOSI 1:7

Maganu wolqanniha, baxillunnihanna umo qee'late Ayyaana ikkinnina waajjillu ayyaana diuyinonke.

YOHAANNIS AJUUJA 1:4

Yohaannisiwiinni Issiyaho nootera lamalante beetekiristaanera: Noohu, hee'rinohunna daanno Maganiwiinninna ayirradu barcimisira albaanni noo ayyaanna lamalantewiinni,