ISAYAASI 11:14 - Qullaawa Maxaafa

¹⁴ Lamunku xaadde galchimaanni Filisxeeme qassanno; soojjaatoonni noo gosaha jajjansa gudhitanno; Edoominna Moaabi gosa qeeltanno; Amooni gosano insa angara higganno.

ISAYAASI 11:14 ပူးပေါင်းရင်းမြစ်များ

ISAYAASI 14:29

Ki'ne Filisxeemete manna! Kune ki'ne gannoonni siqqicho hiiqqantino. Ikkeennano hagiidhitinoonte; mittu hamashshi reyiro, wolu isinni roore harfaamu hamashshi qalamanno.

ISAYAASI 15:1

Moaabi daafira kulloonni sokka aante noote: Moaabi gobbara noori Eerinna Qiiri yinanni katamma mittu hashshinni diiganteenna, gobbatenni huuro ba'u.

ISAYAASI 16:14

Xa kayinni Kaaliiqi, «Kiranyunnihu loosu barri goofannohu gede Moaabi ayirrinyinna lowohu mannisi 3 diri giddo shollanno; shiimu manni callu gatanno. Gatino mannino wolqa afi'rinokkiha ikkanno» yii.

ISAYAASI 25:10

Kaaliiqi anga Tsiyooni Ilaala agartanno; Moaabi gosa kayinni sabbu giddo cide gede assine kakkandanni.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ISAYAASI 59:19

Bubbimma jiganno lolahi gede ikke daanno daafira, galchiminna soojjaati gosa, Kaaliiqanna ayirrado wolqasi waajjitanno.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ERMIYAASI 40:11

Moaabi, Amooni, Edoominna wole gobbara heedhanno Israeele, Baabilooni moote Yihudu manna gatisinotanna, Gedaaliya gashshannonsa gede worroonnita macciishshite,

ERMIYAASI 48:40

Kaaliiqi, «Qoola fane eela hige buuwanno allamurchi gede Moaabi aana doyanno diini daanno.

ERMIYAASI 49:2

Ani Kaaliiqi yeemmota macciishshe: Kune Amooni gosa dannawu Katamira Raaba, olu luulo macciishshitanno gede asseemmo yanna dagganno. Katamu diigameenna gaangaawinsara noo qachi giiramanno; hakkunni gedensaanni Israeele adhantinota baattonsa qo'litanno.

ERMIYAASI 49:22

Allamurchu qoola fane eela buuwannohu gede, diinu Bootsira gawajjara qoqqobbisanno. Hatte yannara ki'ne Edoomi olanto wodani, game amaddino mancho wodani gedeeha ikkanno» yii.

ERMIYAASI 49:28

Kaaliiqi Baabilooni moote Nabukadanatsoori anga galtinorira Qeedaari ga'reranna Hatsoori gobbara, «Ka'ne Qeedaari ga'rera gaaddine, soojjaati manna gudde.

HIZIQEELI 25:14

Manni'ya Israeele ane daafira, Edoomi rabbissanno; insano Edoomira buwinoha hanqo'ya leellishshanno. Qorichisheemmonsa woyite, ani Mooticha Kaaliiqa ikkoommota affanno» yii.

DAANIEELI 11:41

Hexxote gobbano horranno; tonne hige tonne kume manna shee gudanno. Edoomi, Moaabinna gatinohu Amooni manni angasinni gate fulanno.

IYUEELI 3:19

Yihudu manni aana beebba assitino daafiranna, beebbatenni manna shitino daafira, Gibitse moollete soorrantanno. Edoomino mannu hee'rannokki darga ikkanno.

AMOOTSI 9:12

Kunni garinni Edoomi gobbanni gattinorenna, woloota su'mi'yanni woshshantanno gosa baala ragidhanno. Konne baalankare asseemmohu ani Kaaliiqi konne coye coyi'roommo» yii.

IMBAAQOOMI 1:8

«Faradinsa dagunchunni roore rahanno; hudidhino hiyyeeyyenni roore waajjishannoho. Faradaasinensano xeertotenni guluffe harfiixxanni dagganno. Hawulukke adhite ittara allaattete gede ikkite buubbanno.

SOFFOONIYAASI 2:5

Ki'ne Kana"aani gobbara baaru gama heedhinannirira Kelitootaho yinanni Filisxeemootira aanne'e! Kaaliiqi, mittuno gattinikkinni co'o asse hunanno'ne.

SOFFOONIYAASI 2:7

Qafadotewiinni gatinohu Yihudu manni baatto'ne ragi're saada hosiisi'rannowa assi'ranno; Asiqeloonaho nootera minnansara galanno. Kaaliiqi Maganinsano towatannonsa; qafadaminonsare baala daware riqiwannonsa.

SOFFOONIYAASI 2:9

Ani Israeelete Magani Olantote Mootichi Kaaliiqi heeshshonnihu su'miyanni xaareemmo. Moaabinna Amooni, Soddoomunna Gomooru gede ikkite ba'anno. Maxinete balenna ishinu guggushshinowa loonsannikki baatto gede ikkitanno. Qafadotewiinni gatinohu manni'ya jajjansa saamanno; baattonsano ragi'ranno. Kuni ikkanno gede ani Kaaliiqi heeshshonnihu su'mi'yanni xaareemmo» yii.

KIIRO 24:17

«Xaare ikkikkinni albillittennire laeemmo; mulire ikkikkinni xeertonnire illachisheemmo. Israeelete gosa laeemmo; hattenne gosa giddonni, moote bakkalchu gede ikke fulanno. Moaabi roorroota gananno; Seeti sircho baala cancananno.

MAATEWOOSI 8:11

Lowo manni soojjaatinna galchiminni daanno; gordu Gashshooti jilira Abirihaami, Yisihaaqinna Yaiqoobi ledo ofollanno.

EJJEETTO 6:3

Israeele wixa wixidhanno yanna baalate Midiyaamootu, Amaaleqootunna wolootu soojjaati gosa dagge gobba horritu.