ISAYAASI 10:6 - Qullaawa Maxaafa

⁶ Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 10:6 ပူးပေါင်းရင်းမြစ်များ

LAYINKI SAAMUEELI 22:43

Bukote gede asse maniisseemmonsa; doogote sabbi gede asse lilleemmonsa.

LAYINKI MOOTOOLLA 18:25

Anino tenne gobba qasatenna horrate Kaaliiqi fajjikkinni dayommoha lawinohe? Tenne gobba gaade daye gudeemmo gede hajajinoehu umisi Kaaliiqaatiwe!› yitine kullesi» yii.

ISAYAASI 19:17

Yihudu manni Gibitse waajjishiishanno. Olantote Mootichi qorichishansara kainota affino daafira, Yihudu su'ma gannanni woyite nafa massanno.

ISAYAASI 22:5

Kuni Ajuujate Lagichi shettonniho; kakkadamannihonna hembeelamate dargaati. Kuni coyi ikkanno gede assinohu Olantote Mootichi Kaaliiqaati. Kataminke huxxi diigamino; kaa'lote raarranni raare ilaallate geeshsha leeltanno.

ISAYAASI 24:5

Baatto aanase hee'ranno manni batteessino; woganna seera sae, hegere gondooro diigino.

ISAYAASI 29:13

Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

ISAYAASI 32:6

Hawanyootu haware coyidhanno; wodaninsa bunshe malanno. Kaaliiqi coye kaphoho soorrite so'ro halashshitanno; hudidhinorira sagale diuyitanno; goodhinorira waa dihayikkissanno.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ISAYAASI 41:25

«Ani Kaaliiqi aliyyeenni mitto roorricha woroommo; isino su'ma'ya ayirrisate soojjaatinni daanno; isi mootoolla sabbu gede kadanno; dora ganannohu gede asse cancananno.

ISAYAASI 49:17

Oosokki galagalte higganno; diigginoheri fulte xooqqanno.

ISAYAASI 49:25

Kaaliiqi kayinni, «Bareedu anga noo horri higanno; kaajjadu qafadinohuno gatanno; anino qassannohere qaseemmo; oosokkino gatiseemmo.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 5:29

Olantonsa, shorre amadinoricho afiisinni karara dandaannohu nookki doobbiichi gede ittantanno.

ISAYAASI 5:5

«Kunni ka'a woyinete darga asseemmota kulo'ne? Gaangaawisira noo huxxa buqqise hoole, qiishosino diigeemmo. Moyichu hosannowanna kakkadannowa asseemmo.

ISAYAASI 63:3

Kaaliiqi, «Daga ani calli'ya woyinete laalo gede huuncoommo; togo asseemmo woyite, dagate giddonni ane ledo noohu dino. Insa hanqi'yanni kadanna, aari'yanni ceellaganna, mundeensa kaatte uddano'ya huntino.

ISAYAASI 63:6

Daga hanqi'yanni kade tugoommo; aari'ya dimbisannonsa gede assoommo; mundeensano baattote aana dunoommo» yii.

ISAYAASI 7:17

Israeele Yihuduwiinni baxxituhunni kayise anfe egenninoonnikki qarri ate, mannikkinna mootete mini annikkihu aana daanno. Kaaliiqino Sooriyu moote ki'ne gawajjanno gede soyanno» yii.

ISAYAASI 8:4

Qaaqquno, «Annaanna» woy «Amaama» yee woshsha dandaara albaanni Demaasiqote jironna Samaariyu qiniite baala Asoori moote adhanno.

ISAYAASI 8:8

Wolqatenni lolahe Yihudu gobba eanno; baalanka coye egemme kokke iillanno» yiie. Ikkollana Maganu ninke ledo no; lukkicho caacurrese qoolisenni hanqaffe gatissannohu gede, isino baattonke hatto asse agaranno.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:19

Olantote Mootichi Kaaliiqi hanqino; hanqisino baatto baalate giirate gede buwanni no. Mannu giirranni haqqe gede ikkanno; rodoosi nafa gatisannohu dihee'ranno.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 3:10

Konne baala assituhu gedensaanni dogaancho Israeelete rodoo Yihudu, galagalte anewa higginohu digodowinniitina goowi alinniiti. Konne coye coyi'roommohu ani Kaaliiqaati» yiie.

ERMIYAASI 34:22

«Kune galagalte higge katama amaddanno gede hajajammoraati; katamano amadde giira qassanno. Yihudu katamma baala mannu hee'rannokkita ona asse agureemmo. Konne coye coyi'roommohu ani Kaaliiqaati» yiie.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

HIZIQEELI 29:20

Olanto anera soqqantinohura, Gibitse hunkiisira eemmosi. Ani Mootichu Kaaliiqi konne coye coyi'roommo.

HIZIQEELI 38:12

Alba diigante mullicho ona ikkite noo katamma, galagalte minanteenna, lowo daga mereerinni gamba yee, lowo saadanna jajja duu'ne duroo'me, gobba baalate dannawa ikkitino gobbara keere hee'ranno manna, miiceemmo yaatto.

HIZIQEELI 38:13

Saabanna Dedaani gosa, Terseesi daddalaasine ledo ate garooti. Insano, olantokki Israeeletenni adhitanno birranna culka, saadanna wole jajja beeqqitara hasidhanno» yii.

MIKIYAASI 7:10

Diini'ya konne duucha lae saalfatanno. «Kaaliiqi Maganikki hiikko no?» Yaanni qacifatannehu diini'ya sholle doogote qaccera noo sabbi gede kakkadamanna ille'ya la'anno.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

ZAKKAARIYAASI 10:5

Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.

MAATEWOOSI 15:7

Ki'ne lawisiisaano, Isayaasi ki'nere,