ISAYAASI 10:4 - Qullaawa Maxaafa

⁴ Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 10:4 ပူးပေါင်းရင်းမြစ်များ

ISAYAASI 22:2

Katami'nera luulunna cancu wo'mino; dimbite dooggate ubbinori bagadu shiinore di"ikkitino.

ISAYAASI 24:22

Mootoolla baala gamba asse, balete giddo usuranno; lowo barri gedensaanni qorichishannonsa.

ISAYAASI 34:3

Reeshshinsa base baalate uwe, bowannota ikkinnina dimadaaramanno; ilaallano mundee calla ikkitanno.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 66:16

Kaaliiqi, manna baala giiratenninna bagadunni qorichishanno; lowo manna shee gudanno.

ISAYAASI 9:11

Kaaliiqi kayinni Tsiyooni Ilaalira insa aana bala tuganno diina kayisanno.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:20

Mitto widoonni afidhure baala ittanno; ikkeennano hude shitannonsa daafira reyitanno. Kunnira, uminsa ooso maala nafa ittanno.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 15:2

Insano, ‹Hiikka hingo› yituhero, ani Kaaliiqi yoommota, ‹Dhibbu shaanno yinoonniri, dhibbunniwa hadho; olu shaanno yinoonniri, olunniwa hadho. Hudetenni reyitanno yinoonniri, hudenniwa hadho. Qafadantanno yinoonniri, qafadante hadho› yite kulinsa.

ERMIYAASI 37:10

Baabiloonoota qeeltinanniha ikkiro nafa, madidhe dukkanu giddo goxxinori galagalte wolqa assidhe katama giirte huntanno› yiino yite kulisi» yiie.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

HOOSEI 9:12

Ooso ilte lossidhuro nafa, baalanka qoome gudeemmo daafira, ilaweeloota ikkite gattanno. Mulinsanni fafeemmo yannara insara aanne'e!» yii.

LEEWAAWOOTA 26:17

Diinna'ne qeeltanno'ne gede badhe wodheemmo'ne; gibbinanniti diinna'ne gashshitanno'ne; waajjitinoonni daafira, shorrini'nekkinni xooqqinanni.

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?