ISAYAASI 10:26 - Qullaawa Maxaafa

²⁶ Ani Olantote Mootichi Kaaliiqi Asooroota Hereebi Kinchi mule Midiyaamoota assummo gede lichetenni lungaaseemmo. Gibitsete assummonte gede siqqo'ya wayi aana gotti asseemmo.

ISAYAASI 10:26 ပူးပေါင်းရင်းမြစ်များ

ISAYAASI 9:4

Midiyaamoota qeelitto yanna gede, xaano mannikki aana duunamino qambaranna, gadadissannonsarita siwiilu siqqo hiiqqootto.

EJJEETTO 7:25

Hereebinna Zeebi yinannire 2 Midiyaamete sooreeyye amaddu. Hereebi, Hereebi Kinchi mule, Zeebi qolte Zeebi Woyine huuncinanniwa shitu. Midiyaamootano shorritu. Hereebihanna Zeebi umo murte Gedewooni noowa Yordaanoosira soojjaatoonni haadhe abbitu.

LAYINKI MOOTOOLLA 19:35

Hakko hashsha Kaaliiqi sokkaasinchi Asoorootu qacha mare 185,000 olanto shii. Soodo mannu goxinowiinni ka"anno woyite base baala reeshshaho.

FULO 14:16

Atino siqqokki haadhe, baaru aanira qolte diriirsi; wayino lamewa beehamanno; Israeeleno moola baatto kaxxitanni giddoonni higge sa'anno.

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.

YOHAANNIS AJUUJA 11:18

Daga hanqitu; ate aarino dayi. Reyitinorira yoo yaatto yanna iillitu; soqqamaanokki himanaanote, qullaawootahonna su'makki ayirrissannorira, shiimmaaddahonna jajjabbaho, daafurinsa guma aatto yanna daggu. Baatto huntannore hunatto yanna iillitu» yitanni magansidhu.

ISAYAASI 11:16

Akaakkansa Gibitsetenni fultu waro assinte gede, baotenni gattinoti Israeelete taraare Asoorinni fultanno doogo qixxeessanno.

ISAYAASI 10:24

Kunnira, Olantote Mootichi Kaaliiqi, «Tsiyooni heedhinanniri manni'ya, alba Gibitsootu gadadissu'ne gede assite gadadissu'nerono Asooroota waajjitinoonte.

FAARSO 83:11

Roorrootansa Hereebinna Zeebi assitto gede assi; gashshaanonsa Zaabiheelinna Silmana assitto gede assi.

FAARSO 35:23

Xaano Mooticha'ya ka'e halamie; Magano'ya ballo coyi'ramie.

ISAYAASI 30:31

Kaaliiqi Asooroota huurosinni masisanno; mootimmate siqqosinni gananno.

ISAYAASI 9:3

Kaaliiqa, mannakki halashshootto; hagiirreno batisoottonsa. Mannikki ati assootto coyinni, gide gudhannohunna, horre abbi'rinore beeqqanno manni gede ikke hagiidhanno.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

ISAYAASI 30:32

Kaaliiqi insa gananno kiironni, mannisi kayinni dibbenna bagana gananni qeexaa'lanno; Asooroota Kaaliiqi umisi qasanno.