ISAYAASI 10:22 - Qullaawa Maxaafa

²² Israeele! Manni'ne baaru shaafi geeshshiha ikkirono, galagale shiimu manni callu higanno; insara malino qorichi qixxaawe no.

ISAYAASI 10:22 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

UMI MOOTOOLLA 4:20

Yihudunna Israeelete manni baaru shaafi gede kiiro bati'raho. Kuni manni baalunku intannirinna anganniri xeinsakkinni wo'manka woyite qawaaxxi're hee'ri.

LAYINKI MOOTOOLLA 19:31

Yerusaalametenna Tsiyooni Gaari aana gattinori heedhanno. Olantote Mootichi Kaaliiqi laalasinni konne coye wonshanno.

ISAYAASI 37:31

Yihudunni gattino taraare kayinni rumushshu baatto raqqeenna, lophe laalanno haqqi gedeere ikkitanno.

ISAYAASI 46:3

Kaaliiqi mannisira, «Ama'ne godowira heedhineenna duhoommo'nerinna, kaa'loommo'neri Yaiqoobi ooso macciishshe"e.

ISAYAASI 48:19

Sircho'neno baaru shaafi gede batiseemmo; co'o yee goofannokki gede agareemmo.

ISAYAASI 59:20

Kaaliiqi mannisira, «Gargarammo'neranna cubbo'ne aagintaabbinannire gatisate, ani Yerusaalame dayemmo.

ISAYAASI 6:11

Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 60:22

Insa giddonni ajjino ilama kume, wo'munkura maa'ne ikkitinori, wolqaataame gosa ikkitanno; ani Kaaliiqi kuni coyi yannasinni rahe wo'manno gede asseemmo» yii.

ISAYAASI 65:8

Kaaliiqi, «Huuncinoonni woyine, woyinete laalo giddonni fultanno daafira, ‹Dancha coye amaddinotena huntinoonte› yinanninte gede, soqqamaano'ya daafira yee manna gudise dihuneemmo.

ISAYAASI 8:8

Wolqatenni lolahe Yihudu gobba eanno; baalanka coye egemme kokke iillanno» yiie. Ikkollana Maganu ninke ledo no; lukkicho caacurrese qoolisenni hanqaffe gatissannohu gede, isino baattonke hatto asse agaranno.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

ERMIYAASI 44:28

Ki'ne giddonni shiimu manni callu gate Gibitsetenni Yihuda higanno. Gibitse ha'ri manni ani yoommoti wo'mitannoronna insati ikkitannoro hakka waro afanno.

DAANIEELI 9:27

Hakku albisi lowo manni ledo 7 diri geeshsha jawaata gondooro eanno; 7 dirinna daratu sa"anno woyite Maganoho uyinanni kakkalonna fushshaate hoolanno. Qullaawu Mini aana baote batte uurrisanno. Kuni ikkannohu Maganu hirqino garinni hakku albisi ba"anno yanna dagga geeshshaati» yii.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

YOHAANNIS AJUUJA 20:8

baatto baalate wo'minoha Googinna Maagoogi yinanni manna so'risiisara shoolunku raginni olaho gamba assate fulanno. Kiironsa baaru shaafi geeshshite.