ISAYAASI 10:20 - Qullaawa Maxaafa

²⁰ Hakka waro Yaiqoobi mininni gattinori Israeelete taraare, gawajjitinonsare Asooroota agurte Israeelete Qullaawa ikkinoha Kaaliiqa addaxxitanno.

ISAYAASI 10:20 ပူးပေါင်းရင်းမြစ်များ

LAYINKI MOOTOOLLA 16:7

Kunninni kainohunni Akaazi Asoori mootewa Telgeltefelsooriwa «Ani soqqamaanchokkiitinna beettokkiiti. Kunnira, dagge qassanni nooeri Sooriyunna Israeelete mootoolla anganni gatisie» yee manna soqqi.

LAYINKI MOOTOOLLA 19:31

Yerusaalametenna Tsiyooni Gaari aana gattinori heedhanno. Olantote Mootichi Kaaliiqi laalasinni konne coye wonshanno.

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

LAYINKI DUDUWO 28:16

Hakka waro Edoomootu galagalte Yihuda qasse lowo manna qafaddino daafira, moote Akaazi kaa'lannosi gede Asoori moote huucci'ri.

LAYINKI DUDUWO 28:20

Asoori moote Telgeltelfelsoori Akaazira qarra kalaqinosita ikkinnina dikaa'linosi.

IZIRA 9:14

Kayinnilla, galagalle hajajokki hunne, tenne bunshe loosanno manni ledo mayira adhammummoro dianfoommo. Ninke taraare nafa gattukkinni goofo maltinonkereeti.

ISAYAASI 1:9

Olantote Mootichi Kaaliiqi taraare gatisa hoogoommero, Yerusaalame Soddoomunna Gomooru katamma gede ikkite hooggino.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 11:16

Akaakkansa Gibitsetenni fultu waro assinte gede, baotenni gattinoti Israeelete taraare Asoorinni fultanno doogo qixxeessanno.

ISAYAASI 37:4

Asoori moote Heeshshote Magano xonara roorricha soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke» yitue.

ISAYAASI 46:3

Kaaliiqi mannisira, «Ama'ne godowira heedhineenna duhoommo'nerinna, kaa'loommo'neri Yaiqoobi ooso macciishshe"e.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ERMIYAASI 3:23

Halaalinta gaarrate birxe fulle, kaphu maganna magansi'ranke mittoreno dileddinonke. Israeele gatisattohu Maganinke Kaaliiqi ate callaati.

ERMIYAASI 44:14

Gibitsete heedhinara hadhinoonniri giddonni gatannohu dihee'ranno; galagaltine Yihudu gobba higate halchitinanniri giddonni lowo geeshsha shiimu manni callu xooqe fulanno» yii.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.