ISAYAASI 10:17 - Qullaawa Maxaafa

¹⁷ Israeelete Qullaawa ikkinohu xawaabbinsa, insara giira ikkannonsa. Utanna qu'muudo nafa gatissukkinni mitto barra baalankare itte guddanno giira gede asse gudannonsa.

ISAYAASI 10:17 ပူးပေါင်းရင်းမြစ်များ

FAARSO 18:8

Sanosinni wiliile fultu; afiisinnino ittanno giiranna buwanno kashili fuli.

FAARSO 21:9

Daatto waro, booso giira gede bushshattonsa; Kaaliiqi hanqisinni hunannonsa; giirano ittannonsa.

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 50:3

Maganinke daanno; sammi diyaanno; ittanno giira albasiinni no; wolqaataame bubbe gaangaawisira no.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

FAARSO 97:3

Bubbanno giira albasiinni hadhanno; qooxeessisira noo diinano ittanno.

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

ISAYAASI 27:4

Layinkimeeshsho woyine'ya kaashshi dargira dihanqeemmo; hakkiicho mu're kaashsho hunanno utanna kokko'le, buqqise co'o asse giire huneemmo.

ISAYAASI 27:7

Kaaliiqi Israeelete manninni roore diinansa qorichishino; diininsahu geeshshi mannino direyinonsa.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 31:9

Masillunni kainohunni qiishonsa diigantanno; bagadaanonsa baandiransa nafa hunte xooqqanno. Giira'ya Tsiyooni nooehu, xo'annokki giira'ya Yerusaalamete nooehu, ani Kaaliiqi konne coye coyi'roommo» yaanno.

ISAYAASI 33:12

Murmurre giirate tungoonni uti gede, giirantine buluulo ikkitinanni.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ISAYAASI 37:23

Boo'nitanninna boollaqidhanni seyatittohu ayeti? Xonittoehu ani Israeelete Qullaawaatiwe!

ISAYAASI 37:36

Hakko hashsha Kaaliiqi sokkaasinchi Asoorootu qacha e"e, 185,000 olanto shii. Israeelete manni soodo goxinowiinni ka"anno woyite base baala diinu reeshshaati.

ISAYAASI 47:14

«Hakkore mala xa'mi'rattare, giira galawu gede assite ittannonsa; insanaa buwanuwiinni gatisidhe diaffanno; galawahono giwaa'nanni kashili dihee'ranno.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ISAYAASI 9:18

Bunshensa giirate gede ittanno; dubboho qansoonni giira wiliile gede iima higge tunnuuqqanno.

ERMIYAASI 4:4

Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

ERMIYAASI 7:20

Kunnira ani Mootichu Kaaliiqi, xa hanqo'yanna aara'ya konniicho mannunna saadate aana, dubbu haqqenna laalchu baalu aana duneemmo. Hanqi'ya xoyissine anfannikkiha ikkanno.

NAHOOMI 1:10

Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

ZAKKAARIYAASI 12:6

«Hatte yannara, Yihudu gashshaano dubboho qansoonnitenna iillino gide ittanno giira gedeere asseemmonsa; gaangaawinsara noo gashshoote baala guddanno; Yerusaalamete manni kayinni, katamu giddo keere hee'ranno.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MARRO 4:24

Magani'ne Kaaliiqi ittanno giiraati. Wole magano banxanna lae cincannokki Maganooti.

IBIRAAWOOTA 12:29

Maganinke ittanno giiraati.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 22:5

Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.