ISAYAASI 10:13 - Qullaawa Maxaafa

¹³ Asoori moote lede boollaqi'ranni, «Konne baala assoommohu aneeti; ani jawaataho; egennaamoho; busuleho. Wole gosa danna diigoommo; duu'nitinota jironsa baala adhoommo. Hatte gobbara heedhannore baala bareende'yanni shollishoommo.

ISAYAASI 10:13 ပူးပေါင်းရင်းမြစ်များ

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 16:8

Qoleno Qullaawa Minenna mootete mine noo birranna culka afansha asse soyisi.

LAYINKI MOOTOOLLA 17:24

Asoori moote: Baabilooni, Kuta, Iiwa, Hamaatinna Sefariwayimi katammara heedhanno gosa abbe qafadante hadhino Israeele darga worino. Insano tenne katamma ragidhe heedhu.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

LAYINKI MOOTOOLLA 18:11

Asoori moote Israeele qafade haa're ha're gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assino.

LAYINKI MOOTOOLLA 18:15

Hiziqiyaasino Qullaawa Minenna mootete mine noo birra baala gamba asse,

LAYINKI MOOTOOLLA 18:32

Kuni ikkannohu ani ki'neta labbanno baattora masse worammo'ne geeshshaati. Hatte baattono woyinete haqqenna haaro woyinete xajje, ejersu laalonna ejersu zayite, malawunna gidu fulannote› yiinoe. «Kunnira, moote yiino'ne gede ikkitiniro lubbotenni heedhinannita ikkinnina direyitinanni. Hiziqiyaasi, ‹Kaaliiqi gatisannonke› yaanni gowwisoonke'ne.

UMI DUDUWO 5:26

Kunnira, Maganu Puuli woy Asoori moote Telgeltelfelsoori kayise qasannonsa gede assi. Telgeltelfelsoorino Roobeelita, Gaaditanna soojjaatoonni noota Minaase ga're qafade haa're ha're, techo geeshsha heedhannotera Halaahi, Haboorinna Haara hattono, Goozaani Wayi mule heedhanno gede assi.

LAWISHSHA 28:11

Dureessu umosi egennaamo asse kiiranno; wodancha afi'rino buxichi kayinni isi ayimma xunse egennino.

ISAYAASI 10:8

Isino, «Olanto'ya mootoollate gedeetewe!

ISAYAASI 5:21

Insanaa busullaaddanna egennaamma assite kiirtannorira aanne'e!

ERMIYAASI 46:8

Abbayi Wayi dambali gede ka'annotinna, wo'me qacce baala amadanno wayi gedeeti Gibitsete. Tini gosa, ‹Kae baatto baala egemmeemma; katammanna giddo noo manna baala gundeemmo› yitino.

ERMIYAASI 48:14

«Ki'ne Moaabi gosa, ‹Ninke bagadaasinete; olahono fullankoommoreeti› yitine mayira adawadhitinanni?

HIZIQEELI 25:3

Ani Kaaliiqi yeemmore macciishshitanno gede: Qullaawu Mini'ya battaawanna, Israeelete baatto ba'annanna Yihudu mannino qafadamanna affine hagiidhitinoonni.

HIZIQEELI 26:2

«Koo manchi beetto, Xiroosi katamira hee'ranno manni, ‹Yerusaalame diigantino! Daddaluno giwinose! Kunni ka'a ninke ledo heewisantara didandiitannona, ninke duroo'mineemmo› yaanni hagiidhanno.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

HIZIQEELI 35:13

Ane seyatte, boo'natenni aana'ya coyi'roottore macciishshoommo› yiino yite kulisi» yii.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

AMOOTSI 6:13

Lodebaari Katama qeeltinoonni daafira hagiidhitinoonni; «Qarinayimi Katamano wolqankenni amandoommo» yitine boollaqidhinoonni.

IMBAAQOOMI 1:11

Hakkunni gedensaanni baalankare hombobolattete gede assite fiite adhite hadhanno. Kuri haxawarrooti wolqansa maganu gede assite kiirtanno» yii.

IMBAAQOOMI 1:16

Qawaaxxidhe heedhanno gede kaa'lannonsare baala abbitannonsa daafira woshshaadonsara kakkalo shiqishshanno.

IMBAAQOOMI 2:6

Qafadantinori qafaddinonsare, «Manni jiro gamba assidhinannirira ki'nera aanne'e! Liqiissitinoonniriwiinni wolqatenni adhitine jiro duu'nitinannihu mamari geeshshaati?» yitanno.

MARRO 8:17

Miteekkitine wodani'nenni, ‹Tenne jiro afi'noommohu wolqankenniitinna jawaantenkenniiti› yitine heddinoonte.

EJJEETTO 7:2

Kaaliiqi Gedewoonira, «Midiyaamoota anga'nera sayise aate ledokki noo manni lowo geeshsha bati'rino. Israeele uminsa wolqanni gattinoha laweennansa boo'nite anera ayirrinye ho'litannoena,