ISAYAASI 10:12 - Qullaawa Maxaafa

¹² Kaaliiqi kayinni, «Tsiyooni Ilaalinna Yerusaalamete aana asseemmore gudummohu gedensaanni, boo'nasinna naaxxasi daafira Asoori moote qorichisheemmo» yii.

ISAYAASI 10:12 ပူးပေါင်းရင်းမြစ်များ

LAYINKI MOOTOOLLA 19:31

Yerusaalametenna Tsiyooni Gaari aana gattinori heedhanno. Olantote Mootichi Kaaliiqi laalasinni konne coye wonshanno.

FAARSO 18:27

Umonsa heeshshi assitinore gatisatto; boonaaleeyye heeshshi assatto.

FAARSO 21:10

Ilamansa baattote aaninni, sirchonsa mannu mereerinni hunatto.

FAARSO 76:10

Mannu hanqi bati'ri deerrinni atera galatulla lexxannohe; oluwiinni gattinori ayyaanakki ayirrissanno.

FAARSO 76:5

Bareedda baala mulqantino; reyote goxano goxxino; wolqansanna hayyonsa baala mullare ikkitino.

LAWISHSHA 21:4

Boonaleessaho, boollaqi'rannohuranna bushaho caabbichinsa cubboho.

LAWISHSHA 30:13

Boo'natenni ufuufante, manna mishshannori no.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 24:21

Hakka waro Kaaliiqi gordu wolqubbanna, baattote aani gashshaano qorichishanno.

ISAYAASI 27:7

Kaaliiqi Israeelete manninni roore diinansa qorichishino; diininsahu geeshshi mannino direyinonsa.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

ISAYAASI 29:14

Kunnira, maala'linanni coye hoode hoodete abbanni dhaggeeffattanno gede asseemmonsa. Egennaammu egenno huneemmo; hayyoolete hayyo diigeemmo» yii.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ISAYAASI 37:23

Boo'nitanninna boollaqidhanni seyatittohu ayeti? Xonittoehu ani Israeelete Qullaawaatiwe!

ISAYAASI 37:29

Anera hanqite wodanikkinni boo'noottota baala macciishshoommo. Kunnira sanokkira qoroora gane afiikkira bixaala wore wirri asse dayitto widira qoleemmohe yoommota kulisi› yiinohe» yee kuloommosi.

ISAYAASI 5:15

Mannu baalunku saalfate umo heeshshi yaanno; boonaleeyye shollitanno.

ISAYAASI 50:11

Woleho giira qassinannirinna bushshitinanniri, qassinoonnitinna bushshitinoonni giira qolte ki'ne ittanno; konne qorichano Kaaliiqi anganni adhitinanni.

ISAYAASI 65:7

Ilaallate aana hixaana giirtinonna, su'ma'ya shollishshino daafira, ani Kaaliiqi insa uminsanna akaakkansa cubbi daafira qorichisheemmo» yii.

ISAYAASI 9:9

Israeelete manninna Samaariyu Katamira heedhannori baalu konne coye Kaaliiqi assinota affino. Ikkollana boo'natenninna hettisamatenni,

ERMIYAASI 25:29

Kune ani guda hanafeemmohu ane kataminni kayiseeti. Qorichishantinikkinni gattinanniha lawino'ne? Baattote aana noo baalira bagado kayiseemmo. Konne coye coyi'roommohu ane Kaaliiqaati» yii.

ERMIYAASI 50:18

Kunnira, ani Israeelete Magani Olantote Mootichi Kaaliiqi, Asoori moote qorichishummonte gede, Baabilooni mootenna gobbasi qorichisheemmo.

ERMIYAASI 50:32

Ki'ne boonaleeyye gosa, sarraaqantine ubbinanni; irkise gotti assanno'nehuno dihee'ranno. Katami'nera giira qaseemmo; qooxeessaho noori baalu giirame goofanno» yii.

HIZIQEELI 31:10

Mootichu Kaaliiqi, «Xa kayinni, lophite gordo iillitu deerrinni, boo'na amaddinose haqqicho hattenne aana ani Mootichu Kaaliiqi asseemmore kuleemmohe.

HIZIQEELI 31:14

Aye gedeno waa agganni lophite kunni garinni hojja gordo iillitannoti, hattoo haqqicho kunni ka'a horonta diheedhanno. Mannaho iillitanno reyo insarano iillitanno; jeennaate dirritannori ledo karsantanno gede yoo yinoonninsa» yee coy'rie.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

KIIRO 24:24

Horritannori markaawete ofolte, Qophiroosi giddichonni dagganno. Asoorinna Eeboori amaddanno; ikkollana insano co'o yite gooffanno» yii.

MAATEWOOSI 12:33

Yesuusi lede, «Haqqicho baala gumisenni anfanni daafira, haqqicho dancha assidhe; gumiseno dancha ikkanno'ne. Haqqicho busha ikkituro kayinni, gumiseno busha ikkanno.

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

MARRO 32:27

Kayinnilla, diinnansa togo assinoommori ninkeeti ikkinnina, Kaaliiqa di"ikkino yite naaxxitara hasi'reemmokki daafira aguroommo› yiino.

UMI PHEEXIROOSI 4:17

Yoo yinanni yanna gamba yitino; yoo hananfannihu Maganu manni aanaati. Yoo ninke aana hananfanniha ikkiro, Maganunnihura Danchu Duduwira hajajamannokki manni gawalo hiitto ikkita ikka?