ISAYAASI 1:5 - Qullaawa Maxaafa

⁵ Bunshete aana bunshe leddinanni lende qorichinshanni'ne gede mayira ikkitinanni? Manninati'ne baalu dhiwamaancho ikkino; wodani'neno daaqino.

ISAYAASI 1:5 ပူးပေါင်းရင်းမြစ်များ

LAYINKI MOOTOOLLA 1:13

Moote sayikkimeeshshono mitto olu roorricha 50 manni ledo soyi. Kuni roorrichi gaaru aanira fule Eeliyaasi albaanni guluphe, «Maganu mancho! Anenna ledo'ya noo manna mararinke! Lubbonkeno gatisi!

LAYINKI DUDUWO 28:22

Akaazi qarru aana qarru lexxanni hee'reennasinni roore cubbo loosatenni Kaaliiqa dadillisi.

NEHIMIYA 9:34

Akaakkanke, mootoollanke, albisootinkenna qeesootinke, seerakki diagadhitino; oottonsa hajajonna qorophishiishsha dimacciishshitino.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 31:6

Kaaliiqi, «Ki'ne Israeelete manni, bunshe'nenni badhe wodhitinoonniehuwa, anewa galagaltine higge!

ISAYAASI 33:24

Tsiyooni hee'ranno manni giddo, «Dhiwamoommo» yaannoha dianfanni. Hakkiicho hee'ranno mannira baalaho, cubbonsa agurranninsa.

ISAYAASI 9:13

Qorichisheennansano Israeelete manni diaagintaawino; Olantote Mooticha Kaaliiqano dihasi'rino.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 13:23

Halaalinta Itiyophiyichu danasi, woy dagunchu muraamurrimmasi soorri'ra dandaannoni? Ki'neno rossinoonni bunshe agurranna, danchumma assitine affinannini?

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 44:15

Aliyyeenninna wodiidoonni noo Israeele baala Kaaliiqi kulinoere coyi'ranna macciishshitu. Meentinsa wole magannara kakkalinota afino manninna hakko uurre noohu meentinsa baalu,

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 5:31

Himanaano kaphu himana coyidhanno; qeesootuno insa yiture assitanno; manni'yano insa yitannore baxanno. Qarru daanno barra kaa'lote mamira martannoyya?» yii.

ERMIYAASI 5:5

Xa gashshaanonniwa mare insa ledo hasaaweemmo; insa Maganinke Kaaliiqi Seeranna, assitara hasi'rinore baala seekkite affino› yee hedoommo. Insano affe heedhenni isira hajajama gibbino.

ERMIYAASI 9:3

Worbichu digaanu giddonni fulannonte gede, manni'ya afiinnino kaphu fulanno. Kunnira baattote aana, halaalu darga kaphu moohino. Kaaliiqi, «Manni'ya bunshete aana bunshe ledanni no; ani Maganonsa ikkammora dihasidhino.

ERMIYAASI QURTO 5:17

Kunninni kainohunni wodaninke dhiwamino; illenke tunsitino.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 34:4

Daafurinore ditowattinoonni; dhiwaminore dixagissinoonni. Hiiqqaminore disissitinoonni; billaallinore gamba diassitinoonni; bainore dihassinoonni. Hatto assa agurtine, wolqatenninna jaddotenni ce'inoonninsa.