ISAYAASI 1:25 - Qullaawa Maxaafa

²⁵ Hanqunnita anga'ya ki'ne aana kayiseemmo; buwannohu hanqi'yanni batte'ne baala aani'nenni hooleemmo.

ISAYAASI 1:25 ပူးပေါင်းရင်းမြစ်များ

FAARSO 119:119

Bunshe assitannore baala ishinu gede kiiratto; kunnira hajajokki ani baxeemmo.

ISAYAASI 1:22

Yerusaalame, bashsho birru gedee ayirradooti; xa kayinni mullare ikkootta; ati alba woyinete xajje gedee xumaati; xa kayinni waa calla ikkootta.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

ISAYAASI 4:4

Kaaliiqi wolqasinni Yerusaalamete xurenna mundee hayishshe hoole keereensanno.

ERMIYAASI 6:29

Siwiila tumannohu siwiilu aaninni xilla kayisate, giirate wore buufunni buufanno; manni'ya aaninni bunshe dika'annona, beebballa buunfanni daafurranni.

ERMIYAASI 9:6

Bunshete aana bunshe, dogate aana doga leddanni heedhanno; aneno Maganonsa assidhaera dihasidhino» yii.

ERMIYAASI 9:7

Kunni daafira, Olantote Mootichi Kaaliiqi, «Siwiila tume daashshannohu gede, ani manna'ya hatto asse fonqoleemmo; manni'ya busha coye assino daafira, hakkiinni sae wolere asseemmori dino.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 22:19

Kunnira, ani Mootichu Kaaliiqi, Israeelete manni hundaho gatino shaarri gede tidhinokkiha ikkinota kuleemmonsa. Duuchanka mitteenni gamba asse Yerusaalame abbeemmo.

HIZIQEELI 22:20

Ani siwiila daashshate gamba asse giirate worannohu gedeeti; kunni garinni Israeele gamba asse hanqi'yanni bushsheemmo. Insano Yerusaalamete katamira birru giirate giddo daaqannohu gede ikkite daaqqanno.

HIZIQEELI 22:22

Hatte yannara, ani Mootichu Kaaliiqa ikkoommotanna hanqi'yanni qorichishoommonsata affanno» yiie.

SOFFOONIYAASI 3:11

Boonaleeyyenna naaxxaleeyye mereeri'nenni hooleemmo. Hatte yannara ane aana assitinoonni saora disaalfattinanni. Hakkunni gedensaanni Qullaawu Ilaali'ya aana anera gara digibbinannie.

MILKIYAASI 3:3

Isi birra daashshe ximbiiwanno manchi gede ikke yoote ofollanno. Birranna culka daashshe ximbiiwannohu gede sokkaanchu Leewi sircho keereensanno. Hakkunni gedensaanni Kaaliiqi halaalaancho kakkalo shiqishanno manna afi'ranno.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MARRO 32:43

«Daga! Kaaliiqi manna jajje; mannasi shitinore baala qorichishanno. Diinnasi rabbisi'ranno; mannisi cubbono maaranno» yee nabbawi.

YOHAANNIS AJUUJA 3:19

« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!