ISAYAASI 1:23 - Qullaawa Maxaafa

²³ Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 1:23 ပူးပေါင်းရင်းမြစ်များ

LAYINKI DUDUWO 36:14

Qeesootu roorrootinna mannu kaphu maganna magansi'ratenni qooxeessinsara noo gosaha busha ha'ruma hadhanni Kaaliiqira ammanama gibbu. Kaaliiqi keereensinoha Qullaawa Mineno batteessitu.

FULO 23:8

Yoo yaanno manchira ille ballisse, keeraanchu qarramanno gede assitannona gubbo ittooti.

LAWISHSHA 17:23

Bushu manchi halaale dawisara yee, maaxe gubbo itanno.

LAWISHSHA 29:24

Lubbosi cee'minohu, mooraanchu ledo hosanno; yoote alba xa'mineenna ammanirono, qorichishamanno; halaale coyi'ra hoogiro kayinni, Maganu qorichishannosi.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 1:22

Yerusaalame, bashsho birru gedee ayirradooti; xa kayinni mullare ikkootta; ati alba woyinete xajje gedee xumaati; xa kayinni waa calla ikkootta.

ISAYAASI 28:14

Yerusaalamete hee'ranno manna gashshitinoonniri ki'ne haariimaano, Kaaliiqi yaannore macciishshe.

ISAYAASI 3:14

Kunnira mannisi albisootanna amaalaasine yoonniwa shiqqi asse, «Woyinete laalo gatissinikkinni mucuqqi assitine gudhitinoonni; buxanetewiinni wolqatenni haa'noonni jiro mine wonshidhinoonni.

ISAYAASI 30:1

Kaaliiqi, «Haxawarra oosora aanne'e! Ane doogo agurte uminsa doogo hadhanno. Ane hedora gobbaanni gondooro e'anni, cubbu aana cubbo lexxitanno.

ISAYAASI 33:15

Halaalenna taalo coyi'rannohu, hanaaqu jiro baxannokkihu, gubbo itannokkihu, manna shaate malira xaadannokkihu, busha coye la"a giwannohu,

ISAYAASI 5:23

Gubbo itte sao assinoha keereensite, gawajjamino manchi halaale dawissannorira aanne'e!

ISAYAASI 65:2

Uminsa hedo shorritanni, busha doogo higge hadhannorira, haxawarra gosara barra wo'ma anga'ya diriirsoommo.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

ERMIYAASI 32:32

Togo asseemmohuno Israeelennihunna Yihudu manni, mootoollansa, roorrootinsa, qeesootinsanna himanaanonsa loossino bunshe daafiraati.

ERMIYAASI 5:5

Xa gashshaanonniwa mare insa ledo hasaaweemmo; insa Maganinke Kaaliiqi Seeranna, assitara hasi'rinore baala seekkite affino› yee hedoommo. Insano affe heedhenni isira hajajama gibbino.

ERMIYAASI 5:6

Mannu lowo geeshsha haxawarre Kaaliiqa agurino; kunnira diinu dubbu doobbiyi gedenna, halalli hiyyeeyye gede asse diddishannonsa; katammansara noore dagunchu daddarannonsa.

HIZIQEELI 12:2

«Koo manchi beetto, ati hee'rattohu haxawarru manni mereerooti. Insa haxawarroota ikkansanni kainohunni ille heedheennansanni dila'anno; macca heedheennansanni dimacciishshitanno.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HOOSEI 4:18

Lowota woyinete xajje agguhu gedensaanni foorrensa suffanno. Roorrootinsano saalsiisanno coye assa baxxanno.

HOOSEI 5:10

Kaaliiqi, «Yihudu albisooti Israeelete danna diigge baattonsa adhitinohura, aara'ya insa aana lolahu gede dirriseemmo.

HOOSEI 9:15

Kaaliiqi, «Galgalaho heedheennanni, bushu loosinsa reqecci yiino. Anino hakkiichinni kayise insa giwoommo. Loossinohu bushu loosinsa daafira, oommonsa baattonni fushsheemmonsa. Kunni ka'a insa dibaxeemmo. Sooreeyyensa baalanti haxawarroota ikkitino.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 3:9

Ki'ne halaalaanchimma gibbinanniri, halaale kaphoho soorritinanniri Israeelete gashshaano konne coye macciishshe.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

ZAKKAARIYAASI 7:10

Mereero'ne hee'rannore galte shii'rino meento, annanna ama afidhinokkire, wole gobba mannanna qarraataamma baala gadadissinoonte. Mimmiti'nera busha heddinoonte.›

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

KIIRO 22:7

Moaabinna Midiyaami gashshaano Israeele rumeenna baantannisi woxe haadhe Beleaamiwa marte Baalaaqi yiinoreno kultusi.

MAATEWOOSI 21:13

«‹Mine'ya huuccattote mineeti yinanni› yine borreessinoonni. Ki'ne kayinni mulqidhannori maaxantanno goda assitinoonni» yiinsa.

MAARQOOSI 11:17

Hakkunni gedensaanni, «Mini'ya mannu baalu, ‹Magano huucci'ranno mineeti› yinanni yine diborreessinoonni? Ki'ne kayinni mulqidhannori maaxantanno goda assitinoonni» yee rosiisinsa.

LUQAASI 19:46

Insara qole, «Maganu, ‹Mini'ya huuccattote mineeti› yine borreessinoonni. Ki'ne kayinni mulqidhannori goda assitinoonni» yii.

LUQAASI 24:27

Hakkunni gedensaanni Musenna himanaanote maxaaffanni kayise, Qullaawa Borro baalate giddo Isi daafira coyi'noonnire xawise kulinsa.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

UMI SAAMUEELI 8:3

Ikkollana insa anninsa doogo dihadhino; qiniite afidhara yite doogimale gede ikkitino. Nyaanyo ittanni yoono shokkishshino.