ISAYAASI 1:17 - Qullaawa Maxaafa

¹⁷ Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 1:17 ပူးပေါင်းရင်းမြစ်များ

FAARSO 34:14

Bunshetewiinni xooqi; danchumma assi; keere hasi'ri; hoodesino ha'ri.

FULO 22:21

Ki'ne umi'ne Gibitsete gobbara heedhinoonni yannara, manni gobba manna ikkitine heedhinoonni daafira, manni gobba manna okkitinoonte.

LAWISHSHA 15:25

Kaaliiqi boonaleessu mine diiganno; galte shiidhino mancho jajja kayinni agaranno.

LAWISHSHA 21:3

Kaaliiqi kakkalotenni roore, keeraanchimmanna halaale loosa baxanno.

LAWISHSHA 31:9

Insa daafira coyi'raminsa; buxanetenna gadadaammaho halaale fushshinsa.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

ISAYAASI 58:6

Ani baxeemmo qatuma gadado hooltinanni gedeeti; halaale dawisa agurtinaraati; qambara hiiqqitine kadantinore fushshitinanni gedeeti.

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

HIZIQEELI 22:7

Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

HIZIQEELI 45:9

Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

ZAKKAARIYAASI 8:16

Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.