ISAYAASI 1:16 - Qullaawa Maxaafa

¹⁶ Haayishshidhine keeraabbe. Busha looso'ne baala albi'yanni hoolle. Sao assa agurre.

ISAYAASI 1:16 ပူးပေါင်းရင်းမြစ်များ

LAYINKI MOOTOOLLA 17:13

Kaaliiqino Israeelenna Yihuda qorophisiisate soqqamaanosi himanaano soye, «Busha doogo'nenni higge; soqqamaasine'ya himanaanote widoonni qole akaakka'neranna ki'nera oommo hajajonna Seera agadhe» yee coyi'rino.

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

FAARSO 34:14

Bunshetewiinni xooqi; danchumma assi; keere hasi'ri; hoodesino ha'ri.

FAARSO 37:27

Bunshetewiinni xooqqe, dancha coye assittoro, sirchikkino baattote aana geedanno.

FAARSO 51:2

Sao'ya baala hayishshite hoolie; cubbi'yanni keereensie;

LAWISHSHA 21:3

Kaaliiqi kakkalotenni roore, keeraanchimmanna halaale loosa baxanno.

LAWISHSHA 4:27

Guranna qiniite yiittokkinni lekkakki bunshetewiinni agadhite qaafi.

ISAYAASI 52:11

Ki'ne Qullaawu Mini uduunne dukkinoonniri, Baabilooninni baxxitine fulle! Batte ikkinore kisidhinoonte! Giddonsanni fultine keeraa'me!

ERMIYAASI 18:11

«Kuneeti xa, qorichishammonsara busha coye abbanni noommota Yihudahonna Yerusaalamete hee'ranno mannira kulinsa. Cubbo agurtanno gede, hadhanni noo doogonninna loossanni noo bunshewiinni higganno gede coyi'rinsa.

ERMIYAASI 25:5

Himanaanono, ‹Kaaliiqi ki'neranna akaakka'nera geedote uyino'ne baattora heedhinanni gede, bunshetewiinni agurtine higge.

ERMIYAASI 26:3

Miteekkite macciishshite, busha doogonni agurte higgannoha ikkannona. Anino hedoommonsaha busha coye agureemmo» yii.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

YOONAASI 3:8

Mannuno saadano baalunku xiddite, Maganunniwa higge raarto. Mannu baalunku bunshesinna xagarrosi aguro.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

ZAKKAARIYAASI 7:7

Yerusaalame duroo'mitenna manna wonshidhe noo yannara, katamu gaangaawira noo qachira calla ikkikkinni, Wodiidi ragiranna Galchimi gaarra lekkaalloonni lowo manni hee'ranno yannara, Kaaliiqi albi himanaano widoonni coyi'rino qaali konneeti.

MAATEWOOSI 3:8

Xaate aagintaawa'ne leellishanno looso loosse.

SOQQAMAASINETE LOOSO 22:16

Xa mayiraati keeshshattohu? Gotti yite su'masi gantanni cuuami; cubbokkino hayishshi'ri!› yiinoe.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

LAYINKI QORONTOOSI 7:1

Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

YAIQOOBI 4:8

Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.

UMI PHEEXIROOSI 2:1

Xaate kunni ka'a bunshe baala, xagarro baala, awaawursha, hinaasonna busha hasaawa baala hunne.

UMI PHEEXIROOSI 3:11

Bushu coyiwiinni xeerti'ro; dancha coye asso; keere hasi'ro; keeru hoodeno ha'ro.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.