ISAYAASI 1:11 - Qullaawa Maxaafa

¹¹ Kakkalo'ne batinyi anera ma"assannoe? Xaa geeshsha shiqishshinoonniehu ge'rechu goci, shilqote kakkalonna misino booti coomi cee'mishshinoe. Woraamu, ge'reewunna meu gocca mundee dihagiirsiissinoe.

ISAYAASI 1:11 ပူးပေါင်းရင်းမြစ်များ

FAARSO 40:6

Kakkalonna fushshaate dihasi'ratto; shilqonnitanna cubbu daafira shiqinshanni kakkalo dixa'mi'ratto; roorenkanni ati yaattota macciishshitanno macca oottoe.

FAARSO 50:8

Wo'manka woyite albi'yara shiqishshinanni fushshaatenna, shilqote kakkalo'ne diabbooshshi'roommo.

FAARSO 51:16

Kakkalo hasi'rattoha ikkoommero eemmohe; ati kayinni dihasi'ratto; shilqote kakkalo tashshi diassitannohe.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

LAWISHSHA 21:27

Cubbaataammu kakkalo battete; busha hedonni heedhe shiqishshanno woyite roore giwissanno.

LAWISHSHA 21:3

Kaaliiqi kakkalotenni roore, keeraanchimmanna halaale loosa baxanno.

ISAYAASI 58:2

Insa kayinni barru barrunkunni hasidhannoe; doogo'ya afate halchitanno. Halaale loosino manninna, Maganinsa seera agurtinokkiri gede, halaalaancho yoo xa'midhannoe; ane Maganinsawa shiqqi yaa baxxanno» yii.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

ERMIYAASI 7:21

«Ani Israeelete Magani Olantote Mootichi Kaaliiqi kuleemmo'neri konneeti: Shilqote kakkalo wole kakkalo ledo xaadissine, maalano sammi yitinella itte.

HOOSEI 6:6

Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

AMOOTSI 4:5

Assate hasidhinanni coye ikkino daafira, Magano galatate shiishino tima shiqishshesi; baxxine shiqishshinanni kakkalono, naaxxitinanni uuyyesi. Konne coye coyi'roommohu ani Mootichu Kaaliiqaati» yii.

AMOOTSI 5:21

Kaaliiqi, «Diru ayyaanna'ne baala giwoommo; amma'note xaado'neno shagaggi'roommo.

AMOOTSI 5:22

Shilqote kakkalo'nenna, gidu fushshaate'neno diadheemmo'ne; mittimmate kakkalora shiqishshinannita, coontino saadano caaqqi yee dilaeemmo.

MIKIYAASI 6:7

Kumunni kiirranni gocca ge'reewunnita, woy tonne kume lowiddaanna daadanno wayi geeshshita ejersu laalonni qixxeessinoonni zayite shiqishummosiro hagiidha ikka? Bayira beetto'ya kakkalummosiha ikkiro cubbo'ya agurae ikka?

HAGE 2:14

Hageno qole, «Kaaliiqi, ‹Kuni manninna insa loossanno loosi baalu hattooho; kakkalote dargira shiqishshannori baaluno kunni garinni lagaawinoho› yaanno» yii.

ZAKKAARIYAASI 7:5

«Saihu 70 diri giddo diru eihunni ontikkinna lamalki aganira ittukkinni galte hossanni wi'litinohu ane ayirrasate ikkinokkita mannahonna qeesootaho kulinsa;

MILKIYAASI 1:10

Kakkalo'ya darga haafu kakkalo shilqishshinantenni, ki'ne giddonni Qullaawa Mine cufannohu mayi mittu hee'ra! Ki'nenni hagiidheemmokki daafira anera shiqishshinanni fushshaate diadheemmo.

MAATEWOOSI 22:4

«Moote xaano wole soqqamaano, ‹Woshshini manniwa martine, kuneeti oosote seenne haa'ranni jila ji'loommo. Handanna hardino lalo gorroommo; baalunkuri qixxaawino; kunnira jilaho amme!› yiino yitine kulle.

MAATEWOOSI 9:13

Hadhine, ‹Ani kakkalotenni roore maaro hasi'reemmo› yine borreessinoonnihu mayaatero seekkitine buuxxe! Ani cubbaataamma ikkinnina, keeraano woshshammora didayommo» yiinsa.

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.