IMBAAQOOMI 3:6 - Qullaawa Maxaafa

⁶ Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

IMBAAQOOMI 3:6 ပူးပေါင်းရင်းမြစ်များ

KALAQAMA 49:26

Albinni kayisse kaajjite heedhanno ilaallanninna, hegerera heedhanno gaarranni afi'nanni maasso baalantenni, ane annikki maasso roortanno. Tini baalanti maasso ate Yooseefi umi aanaanni daaddo. Roduuwikki mereero roorricha ikkoottohu albi aana lolakko.

IYYOOBI 21:18

Bubbe galawu gede, hombobolatte kuru gede, haadhe hunte egentinonsani?

IYYOOBI 9:5

Maganu hanqanno woyite, ilaalla shashshafanno; darginni kayise galchanno.

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 104:32

Isi baatto la"anno; iseno huxidhanno; ilaalla kisanno; insano wiliiltanno.

FAARSO 35:5

Kaaliiqi sokkaasinchi shorrannansa, diilallote tungoonni kuri gede ikkito.

FAARSO 68:16

Batinye birxe afi'rino ilaalira heedhinanniri Baasaani manni, hegerera Maganu hee'ranno ilaalira, Magano magansi'ranno manna busha illenni mayira la'inanni?

FAARSO 90:2

Ilaalla kalaqantara albaanni, baattono safantara albaanni, hegere hegerera ati Maganoho.

FAARSO 97:5

Baatto baalate Mootichi, Kaaliiqi albaanni, ilaalla gagate gede daaqqanno.

FULO 15:14

Daga tenne macciishshite, waajjite huxidhu; Filisxeemootano waajjillu amadinsa.

FULO 15:15

Edoomi roorrooti massu; Moaabi wolqaataammi huxidhu; Kana"aanootu daaqqu.

FULO 15:17

Kunnira, ati mannakki haadhe ha'ratto; ate ilaali aana massite worattonsa; hakkuno hee'rattora doodhootto dargaati; Qullaawu Mini angakki mintinoho.

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

FULO 21:31

Bootu meya woy labbaa beetto qasiro, yoo mitto garaantilla.

ISAYAASI 51:6

Ille'nenni iima higgine gordo, uulla qoltine baatto la'e! Gorduwa wiliilete gede billaallite ba'anno. Baattono uddanote gede akkaltanno; aanase heedhannori baalu bookkete gede ikkite gooffanno; ane gatisaanchimma kayinni hegerete; gatisa'yarano gawalo dino.

ISAYAASI 51:8

Insa bile ittino uddano gede ikkite gooffanno; halaalaanchimma'ya kayinni hegerete; gatisaanchimma'yano ilamate ilamara sa'annote» yii.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

NAHOOMI 1:5

Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

MAATEWOOSI 24:35

Gordunna baatto sa'anno; qaali'ya kayinni disa"anno» yii.

LUQAASI 1:50

Waajjannosi mannira, ilamatenni ilamate geeshsha maarosi halashshanno.

SOQQAMAASINETE LOOSO 17:26

Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino.

MARRO 32:8

Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.

MARRO 33:15

Albi ilaalla'ne, doorantino laalo guggushshito.

IBIRAAWOOTA 13:8

Yesuusi Kiristoosi be'rono techono hegere geeshsha isoontilla.

IYYAASU 10:42

Israeelete Magani Kaaliiqi Israeelete gaaramino daafira, Iyyaasu tenne mootoollanna gashshootensa baalanka mitte hige gaadino gaadinni qeele gudise amadi.

EJJEETTO 5:5

Siina, Kaaliiqi albaanni ilaalla huxidhu; Israeelete Magani Kaaliiqi albaanni shafantu.