IMBAAQOOMI 3:4 - Qullaawa Maxaafa

⁴ Gaacheenisi arrishshote gede xawanno; wolqasi maaxante noo angasi giddonni fulte, caabbichu faashshi yaanno.

IMBAAQOOMI 3:4 ပူးပေါင်းရင်းမြစ်များ

NEHIMIYA 9:12

Barra gomichunni massagoottonsa; hashsha bubbanno giiranni doogo xawisoottonsa.

IYYOOBI 26:14

Kuni baalu Maganu loosinori giddonni shiimiidiho; loosinori giddonni macciishshinoommori hilireeti; wolqasi lowimma hiitto assine afa dandiinanni?» yii.

FAARSO 104:2

Xawaabba imaanimma tuulatootto; gordo dukkanu gede diriirsootto.

FAARSO 18:12

Albasiinni noo beleqinni, kaadenna giirate buwani fule, du'mu gomichi giddoonni hige sai.

FULO 13:21

Hashshanna barra hadhanno gede, Kaaliiqi barra gumichu heelliichonni, hashsha giirate heelliichonni massaginsa.

FULO 14:20

Gibitsootunna Israeelete mereero uurritu; gomichuno Gibitsootaho tunsiisi; Israeelete widoonni kayinni xawi; kunnira hashsha wo'ma Gibitsete olanto Israeelootunniwa gamba yitukkinni galtu.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

HIZIQEELI 1:27

Hakku manchi, halli ale, giirate giddo noo camo gede xawanno. Halli woro, giirate buwano lawanno. Gaangaawisirano wara'a yiino xawaabbi leellanno.

HIZIQEELI 43:2

Hakkiichono Israeelete Magani ayirrinye leellishanno xawaabbi soojjaatinni fulanna afummo. Macciishshummo hirbino baaru dambali gede suunannoho. Ayirrinyisi biliccinatinni baatto xabbu.

MAATEWOOSI 17:2

Hakkiicho heedheenna albansaanni danisi wole ikki; albisino arrishshote gede xawi; uddanosino waajjo qoffe ikkite caabbichimma xabbu.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 22:5

Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.