IMBAAQOOMI 3:2 - Qullaawa Maxaafa

² Kaaliiqa! Assoottoha dhaggete coye baala macciishshe lowo geeshsha waajjoommo; xaano yannankera alba loositto gedee looso ledde loosi; yanna yannantenni egennamanno gede assi; hanqatto yannarano marara agurtooti.

IMBAAQOOMI 3:2 ပူးပေါင်းရင်းမြစ်များ

IZIRA 9:8

«Xa kayinni, Kaaliiqa Maganonke borojjimmatenni fushshite, Qullaawa Basera keerunni hee'neemmo gede, shiima yanna gaacheena oottonke; borojjimmatenni fushshite haaro heeshsho oottonke.

IYYOOBI 42:5

Macciishshate woyite duduwokki macciishshoommo; xa kayinni ille'yanni afoommohe.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

FAARSO 25:6

Kaaliiqa eeggate, hundinni kayise noore, maarokkinna bagamannokkiha baxillekki qaagi.

FAARSO 38:1

Kaaliiqa'ya ballo, hanqikkinni ruffootie; aarikkinni gantootie.

FAARSO 44:1

Magano! Ati assoottore maccankenni macciishshinoommo; annuwankeno alba yannansara loosoottoha dhaggete looso kultinonke.

FAARSO 71:20

Lowo qarranna shetto leellishoottoe; ikkollana, galagalchite wolqa'ya haaroonsootto; balete giddonnino fushshattoe.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 85:6

Hagiidhe ate galatanno gede, mannakki galagalchite haaroonsinke.

ISAYAASI 53:1

Mannu, «Ninke coyi'neemmore ayi ammananno? Kaaliiqi wolqano ayera leeltino?

ISAYAASI 54:8

Lowo geeshsha hanqoommo daafira shiima yanna alba shawwu yoommohe; xa kayinni gatisaanchikki ani Kaaliiqi, marare hegere geeshsha baxeemmohe yoommo.

ISAYAASI 63:15

Kaaliiqa Magano! Qullaawunna ayirradu dargira gordoho heedhe kawa qolte lai. Laalakkinna wolqakki mama no? Shaqqillikkinna mararrokki ninkewiinni xeertidhino.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 10:24

Kaaliiqa, ati taashshattoha ikkootto daafira seejjinke; ikkollana co'o yine ba'neemmona, hanqite heedhe seejjitootinke.

ERMIYAASI 10:7

Gobba baalate moote ikkoottoha, ate waajjannokkihu ayeti? Uullate egennaamminna, gashshaano baalate giddo ate gedeehu dinona, ayirrinyu hasiisannohe.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

ERMIYAASI 46:28

Soqqamaano'ya Israeele, ani ledo'ne noommona waajjitinoonte. Giddonsa billaallisummo'ne gosa baala huneemmo; ki'ne higginara yee taalo qoricha eemmo'ne; kayinnilla co'o asse digudeemmo'ne. Konne coye coyi'roommohu ani Kaaliiqaati» yii.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

DAANIEELI 8:17

Gebirieeli daye mule'ya uurrita mase baattote aana uwoommo. Isino, «Koo mancho! Ajuuja kalqete goofimarchire kultannota ikkitinota huwati» yiie.

DAANIEELI 9:2

Moohihunni umi diro ani Daanieeli qullaawa maxaaffa la"anni hee're, Kaaliiqi himanaanchu Ermiyaasira kulino garinni Yerusaalame diigante keeshshitannohure 70 dirire hedoommo.

IMBAAQOOMI 3:1

Faarsote daninni shiqishinoti himanaanchu Imbaaqoomi huuccatto aante noote.

IMBAAQOOMI 3:16

Konne coye macciishshummota, mannimma'ya shiiltu; suume'ya huxidhu; miqqa'ya daaqqu; lekka'yano qece yitu. Maganu qarrissannonkere qorichisha geeshsha, cince agadheemmo.

ZAKKAARIYAASI 1:12

Sokkaasinchuno, «Olantote Mooticha Kaaliiqa'ya! Yerusaalametenna Yihudu katamma baalantera hanqittonkunni kuneeti xa 70 dirooti; maarattonsara kunni ka'a mageeshshi yanna gattino?» yee xa'mi.

YOHAANNISI 10:10

Mooraanchu moorara, shaaranna hunaralla daanno. Ani kayinni, heeshsho afidharanna heeshshonsano hala'litara yee dayommo.

ROOMU SOKKA 10:16

Ikkollana Isayaasi, «Mooticha'ya, coyi'noommo qaale ayi ammanino?» yee coyi'rinonte gede, baalunku Dancha Duduwo diadhitino.

FILIPHISIYUSI SOKKA 1:6

Konne dancha looso ki'nenni hanafino Magani, Kiristoosi Yesuusi galagale daanno Barri geeshsha wonshannota dihuluullameemmo.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 12:21

Illete leeltino ikkito lowo geeshsha waajjishshannota ikkitinohura, Muse nafa, «Ani waajjoommo; huxi'roommo» yiino.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.