IMBAAQOOMI 3:13 - Qullaawa Maxaafa

¹³ Mannakki gatisattoranna doorootto moote wodattora fulootto. Cubbaataammu sooreessa cancanootto; umunni lekkate geeshsha mulqootto.

IMBAAQOOMI 3:13 ပူးပေါင်းရင်းမြစ်များ

LAYINKI SAAMUEELI 5:20

Daawitino Ba"aali-Peraasiimi yinanniwa daye, Filisxeeme qase qeeli. Qeelihu gedensaanni, «Kaaliiqi diina'ya lolahu gede asse dhoosino» yii. Kunnira hakkonne darga, «Ba"aali-Peraasiimi» yini.

FAARSO 105:15

«Doorantinore soqqamaano'ya gawajjitinoonte; himanaano'yano kissinoonte» yee qorophisiisino.

FAARSO 105:26

Hakkunni gedensaanni, soqqamaanchosi Musenna, doodhinoha Aarooni soyi.

FAARSO 110:6

Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 137:7

Kaaliiqa ballo, Yerusaalame amadantu yannara, Edoomootu assitueta hedi; «Diiggine uullate gannensa!» yitanni cancituta qaagi.

FAARSO 20:6

Kaaliiqi buurino moote gatisannosita xa afummo; gordoho qullaawu dargisira hee're dawarannosi; wolqasinni bayira qeelle aannosi.

FAARSO 28:8

Kaaliiqi mannisira wolqansaati; buurinosi mootera gatote qiishooti.

FAARSO 68:7

Magano! Mannikkira albaanni fulitto waro, halallitte gobba giddoonni higge saitto waro,

FAARSO 77:20

Ge'reewoho albaanni ha'ranno allaalaanchi gede, mannakki Musenna Aarooni widoonni qolte massagootto.

FAARSO 99:6

Musenna Aarooni isi qeesootaati; Saamueelino iso huuccituri giddo mittikkiho. Insano Kaaliiqa woshshitu; isino yee yiinsa.

ISAYAASI 63:11

Hakkunni gedensaanni albita Muse yanna qaaggu; saadansa ledo baaru giddoonni qole sayisinsahu hiikki? Qullaawa Ayyaanasi giddonsa wori Magani hiikki?

ISAYAASI 64:1

Gordo darte mayira dirra giwitto? Ilaallano ate waajjite huxidhoommero maaho!

HIZIQEELI 13:14

Noora buurtino huxxa diige, safote kincho calla agurate hedoommo. Huxxu diigamanno yannara, ki'ne himanaano baalunku reyitinanni; hatte yannara ani Kaaliiqa ikkoommota baalunku afanno.

AMOOTSI 9:1

Kaaliiqi kakkalote dargi mule uurre nooha afoommo. Isino, «Uurrinanni dargi shafamanno gede, Qullaawu Mini heelliicho gani; minu tattae mannu aana uwanno gede assi. Hakkiinni gattinore ani bagadunni gudeemmo; xooqannohu xooqe fule diafanno; xooqe fulinoha lawannosihuno digatanno.

IYYAASU 10:11

Amooraawootu, Israeelootu olantowiinni Beetihorooninni Azeqa eelallitte higge xooqqanni heedheenna, Kaaliiqi gordunni lowiddaanna kaade dirrisi. Kunnira, Israeelootu shitinorinni roore kaade shitinori kiiro lowo geeshsha batidhu.

IYYAASU 10:24

Insa Iyyaasuwa haadhe abbitu. Iyyaasuno, Israeelete manna baalanka woshshi. Isi ledo gaaddinori urdete jajjabbi dagge lekkansa mootoollate haxo aana wortanno gede hajaji; insano, hajanjoonnisi gede assitu.

IYYAASU 10:42

Israeelete Magani Kaaliiqi Israeelete gaaramino daafira, Iyyaasu tenne mootoollanna gashshootensa baalanka mitte hige gaadino gaadinni qeele gudise amadi.

IYYAASU 11:12

Iyyaasu tenne katamma baalantanna mootoollansa baala amadi; bagadunnino gudi. Kaaliiqi soqqamaanchi Muse hajajino gede assino.

IYYAASU 11:8

Kaaliiqi Israeelootu insa qeeltanno gede assi. Israeelootuno ola kayisse aliyyenni Misirefotimayiminna Sidoonu geeshsha, soojjaatoonnino Mitsipha Lagichi geeshsha shorritunsa. Diinu widihu mittu manchi nafa gatikkinni baalunku goofa geeshsha olu diuurrino.