IMBAAQOOMI 2:19 - Qullaawa Maxaafa

¹⁹ Haqqe bonce seekkinoonniricho «Baqqi yii!» Kincho soonfe seekkinoonniricho, «Kai!» yaattohura atera aanne'e! Misile mittono go'lino coye kulte affannoni? Misile birranna culka aanaho xalline seekkinoonnite ikkinnina foolu giddo dinoote.

IMBAAQOOMI 2:19 ပူးပေါင်းရင်းမြစ်များ

FAARSO 135:15

Dagate maganna, mannu birrunninna culkunni seekkinote.

FAARSO 135:17

Macca noonsana, kayinni dimacciishshitanno; foola nafa didandiitanno.

FAARSO 97:7

Seesiinsoonni misilera kumbuulannohu baalu, kaphu maganna adawadhitannori baalu saalfatto; maganna baala Kaaliiqira kumbuultanno.

ISAYAASI 26:14

Xa insa reyitino; kunni ka'a lubbotenni diheedhanno; ati qorichishsheenna ba'ino. Layinkimeeshsho dika'anno; qaagannonsahuno dihee'ranno.

ISAYAASI 40:19

Isi haqqa bonce, culka xalline, birrunni seekkine uurrinsoonni misile gedeeha di"ikkino.

ISAYAASI 41:26

Coye'ne garaho yineemmo gede, balaxe kullonkehu nooni? Ki'ne giddonni mittuno coyi'rinohu dino; coyidhinanna macciishshinohuno dino.

ISAYAASI 44:17

Gatinohano boce magansi'nanni misile seekki're isera kumbuulanni, «Ati magano'yaatina gatisie» yaanni huucci'ranno.

ISAYAASI 46:6

Mitu ogoronsa fante culka lolaassanno; birrano keenaasinchoho keentanno. Magansi'nanni misile seekkannonsa gede, siwiila tumannohura woxe uyitanno; seekkinoonni magannara kumbuultanni magansidhanno.

ISAYAASI 57:6

Laggatenni shaqqado kinna doodhitine, insa maganna assidhine magansidhinanni, agattonnihanna gidu fushshaate uyidhinanni. Ani konne coye lae sammi yeemmoha lawanno'ne?

ERMIYAASI 10:14

Kaphu maganna seekkidhannori, gowwootahonna balalootaho. Tini kaphunniti magannansa, lubbo afidhinokki daafira, insa seekkidhuri saalfattanno.

ERMIYAASI 10:3

Kaphu magano magansidhanno daga hadhanno doogo haafaho; haqqe dubbunni karranni; angate ogimma afi'rinohu qottotenni boce seekkanno.

ERMIYAASI 10:4

Birrunninna culkunni biifisanno; ubbannokki gede misimaaretenni wiqqi asse aguranno.

ERMIYAASI 10:9

Misillansa, Terseesinni dayino birrinni seekkinoonni; Ufaazinni dayino culka, aanaho xallinoonnireeti; hayyoole seekkite biifissino; ogeeyye gantinota bulenna duume uddano uddisiinsannireeti.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

ERMIYAASI 51:17

Kaphu maganna seekkidhannori, gowwootahonna balalootaho. Tini kaphunniti magannansa, lubbo afidhinokki daafira, insa seekkidhuri saalfattanno.

ERMIYAASI 51:47

Baabilooni maganna gudeemmo barri daanno; mannu baalu goofeenna, baatto saalfattanno.

DAANIEELI 3:1

Moote Nabukadanatsoori hojja 60 cigile, hala'linye 6 cigile ikkitanno misile culkunni seekkisiise, Baabilooni gashshootira Duura yinanni xawira uurrisi.

DAANIEELI 3:18

Moote! Gatisa giwinkero nafa magannakki magansi'neemmokkitanna uurrisoottotera culku misilera kumbuulleemmokkita afi» yitusi.

DAANIEELI 3:29

«Togo asse gatisannohu wolu magani dino. Kunnira gashshooti'ya giddo hee'rannohunna addi addi afiinni coyi'ranno manni baalu mereero Sidiraaqi, Misaaqinna Abidinaago Magano xonannohu hee'riro, bisosi murmurre minesino diinge hunnanni gede hajajoommo» yii.

DAANIEELI 3:7

Kunnira addi addi gobbanninna addi gosanni dayinohu, babbaxxino afiinni coyi'ranno manni baalu xurumbu, gingilaatu, maasinqote, kiraarete, baganunna suusullete qoonqo macciishshi yannara baattote aana gombisame moote Nabukadanatsoori uurrisinotera culku misilera kumbuuli.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 5:4

Agganni heedhe culkunni, birrunni, camotenni, siwiilunni, haqqetenninna kinchunni seekkinoonni maganna galaxxitu.

YOONAASI 1:5

Markaawete giddo noo manni waajjino daafira, baalunku umi umisi maganiwa hige raari; markaawete hogowi shotanno gede hogophitinore fushshite baaru giddo tuggu. Yoonaasi kayinni markaawete woriidi kifile dirre goxe bae no.

SOQQAMAASINETE LOOSO 17:29

Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno.

YOHAANNIS AJUUJA 17:4

Hatti mancho duumenna duume xiillitte uddano uddidhe no; culka, dilqa kinchonna baaru giddonni haa'nanni dilqa irridhinote. Battenna foorrese xidho giddo wo'mitinoha culku finiincho anga haadhe no.