IMBAAQOOMI 2:18 - Qullaawa Maxaafa

¹⁸ Hanni misile makaa'litanno? Misile mannu anganni bonce seekkinoonnite. Misiletewiinni kapho agurranna mittoreno diafi'nanni. Boce seekkino manchira mittoreno coyi'ra dandiitannokki misile amma'na makaa'litannosi?

IMBAAQOOMI 2:18 ပူးပေါင်းရင်းမြစ်များ

FAARSO 97:7

Seesiinsoonni misilera kumbuulannohu baalu, kaphu maganna adawadhitannori baalu saalfatto; maganna baala Kaaliiqira kumbuultanno.

ISAYAASI 1:31

Giira cide ittannohu gede, «Ninke wolqaataammaho» yitannore cubbinsanni kainohunni ayino hoolara dandaannokki bao amaddannonsa.

ISAYAASI 37:38

Mitto barra Niserooki yinanni magani kaphunnihu mine magansi'ranni hee'reenna oososi giddonni 2 Adirameleekinna Sharetseri yinanniri bisetenni shitinosi. Insano Araaraati gobba xooqqe ba'u. Isi darga mittichu Asiraadooni yinannihu beettisi moohi.

ISAYAASI 40:19

Isi haqqa bonce, culka xalline, birrunni seekkine uurrinsoonni misile gedeeha di"ikkino.

ISAYAASI 41:26

Coye'ne garaho yineemmo gede, balaxe kullonkehu nooni? Ki'ne giddonni mittuno coyi'rinohu dino; coyidhinanna macciishshinohuno dino.

ISAYAASI 42:17

«Misilla hexxite, ‹Ki'ne magannankeeti› yitannore, saalu amadannonsa» yii.

ISAYAASI 44:12

Siwiila tumannohu magansi'nanni misilla seekkate siwiila giiratenni daashshanno. Siwiila madooshunni gane taashshanno; konne looso loosanno woyite hudi'ranno; goo'ranno; daafuranno.

ISAYAASI 45:16

Magansi'nanni misilla seekkitannori baalu saalfattanno; irraabbanno; baalunku mitteenni shollitanno.

ISAYAASI 45:20

«Addi addi gobbara billaallitinoonniwiinni higginoonniri baalu, gamba yitine amme! Haqqu maganna duqqite doyitannorinna, gatissannokki misilla huuccidhannori egenno diafidhinoreeti.

ERMIYAASI 10:8

Baalunku gowwootahonna hawanyootaho; haqqa bonce seekkinoonni maganna mittoreno dirosiissanno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ERMIYAASI 2:8

Qeesootuno, ‹Kaaliiqi hiikko no?› yite dihasidhinoe; aneno diegentinoe. Gashshaanonsano anera maahoyye gibbu; himanaanono Ba"aali su'minni himana coyidhu; kaa'litannokkita kaphu maganna magansidhu» yii.

ERMIYAASI 50:2

«Daga baalate duduwo kulle; ge'recho qassine lallabbe. Mittoreno gatissinikkinni, ‹Kune Baabilooni amadamaraati; maganinsa Marduki hiiqqamaraati; tiyyi'nanniti misillansano cancanantaraati.

ERMIYAASI 51:17

Kaphu maganna seekkidhannori, gowwootahonna balalootaho. Tini kaphunniti magannansa, lubbo afidhinokki daafira, insa seekkidhuri saalfattanno.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

AMOOTSI 2:4

Kaaliiqi, «Yihudu manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa seera'ya huntino; hajajo'yano diagadhitino. Insano, annuwansa magansidhinoti kaphu maganna so'risiissinonsa.

YOONAASI 2:8

«Kaphu maganna hoode hadhannori baalu, ate hexxa agurtino.

ZAKKAARIYAASI 10:2

Mannu magannansanna kiilaanonsa xa'mi'ranno; afidhanno dawaro kayinni kaphohonna haafaho. Mitu mitu kaphu haaqee tirtanno; ikkollana kayinni so'risiisannonsa; mulla haafa sheshifachishshannonsa; kunnira mannu baino ge'reewi gede ikke raataawanno; allaalaanchu hooginonsahura qarramanno.

ROOMU SOKKA 6:21

Hatte yannara ma afidhini? Xa saalfachishanno'neri ka'a afidhinoonniri dino. Kunni coyi gawalono reyote.

UMI QORONTOOSI 12:2

Ammantinoonnikki waro, batinyu garinni coyi'ra dandiitannokki maganna hoode hadhinoonnita egentinoonni.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

EJJEETTO 17:4

Isi qole birra isera uyita, amasi aaninni 200 birra haadhe birra tumannohura uyitu. Birra tumannohuno haqqa bonce aanaho birra xallinoonni misile seekki. Misileno Miika mine heedhu.

UMI SAAMUEELI 12:21

Kaphu maganna hoode hadhinoonte; insa tidhitinokkire ikkitino daafira kaa'lita'neranna gatissa'nera didandiitanno.