IMBAAQOOMI 2:17 - Qullaawa Maxaafa

¹⁷ Libaanoosi assi'rootto beebba ateno amaddannohe; saada gudakkino masissannohe. Kuni ikkannohu manna shootto daafira, gobbanna katamma, qolteno giddonsa noore baala gudootto daafiraati.

IMBAAQOOMI 2:17 ပူးပေါင်းရင်းမြစ်များ

FAARSO 137:8

Baabilooni atino diigamatta; ninke aana assitta bunshe baalate ate rabbisannohu galataminoha ikko.

FAARSO 55:23

Magano, ati kayinni bushuulle qile balera tugi; manna shitannorinna dogaasine taaloote dirono diheedhanno; ani kayinni ate hexxeemmo.

LAWISHSHA 28:17

Manna shiinohu, reya geeshsha bararraaqanni hee'ranno; ayino kaa'loonkesi.

ERMIYAASI 50:14

«Ki'ne digaanunni olantinanni bagadaasine, Baabilooni qasate doyissitine amadde; ane Kaaliiqi aana sao assitino daafira, mittono gatissinikkinni maxxa baala, Baabilooni aana giggishshe.

ERMIYAASI 50:28

Baabilooni olanto Qullaawa Mine'ya diiggino; ikkollana ani rabbisi'reemmo. Hakkunni gedensaanni qafadotenni higgannori, ani Kaaliiqi assoommore Tsiyooni dudubbanno» yii.

ERMIYAASI 51:24

Kaaliiqi, «Baabilooninna mannisi Yerusaalamete aana assitino bunshera, ki'ne la'inanna rabbisi'reemmo» yii.

HIZIQEELI 28:16

Wole gosa ledo daddi'litanni, mararro nookkihanna busha ikkootto. Kunni daafira, Qullaawu Ilaali'ya aaninni ishinu gede fushshe tugoommohe; kirubeelino cululluqa dilqa kinna giddonni shorrannohe gede assoommohe.

HIZIQEELI 31:16

Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

IYUEELI 3:19

Yihudu manni aana beebba assitino daafiranna, beebbatenni manna shitino daafira, Gibitse moollete soorrantanno. Edoomino mannu hee'rannokki darga ikkanno.

IMBAAQOOMI 1:17

«Maahoyyena, tini gosa wo'manka woyite mararro nookkiha manna guddanni heedhanno?

IMBAAQOOMI 2:8

Ki'ne lowo gosa jajja gudhitinoonni. Gattinori qolte badote ki'ne mulqidhanno'ne. Kuni ikkannohu, ki'ne lowo manni mundee duntine, gobbate aana noo mannanna katamma baala beebba assidhinoonni daafiraati.

ZAKKAARIYAASI 11:1

Libaanoosi! Giira daguwakki ittanno gede, waalchuwakki fani.