IMBAAQOOMI 2:16 - Qullaawa Maxaafa

¹⁶ Atino agge dimbite gaggawatto; atino badokkira ayirrinyu darga shollinye uddi'ratto. Kaaliiqi qorichu finiincho cingiishshi'ratto gede assannohe; ayirrinyikkino shollinyeho soorramanno.

IMBAAQOOMI 2:16 ပူးပေါင်းရင်းမြစ်များ

FAARSO 75:8

Kaaliiqihu hanqisi finiinchi angasi no; finiinchoho dimbissannota woyinete xajje wonshanno; iseno duneenna cubbaataammu atalunkunni cingiishshidhanno.

LAWISHSHA 3:35

Egennaammu ayirrinye ragidhanno. Hawanyootu kayinni shollinye duu'nitanno» yii.

ISAYAASI 20:4

Asoori mooteno Gibitse saalfattanno gede insahanna Itiyophiyu manna uddano uddi'rikkinninna lekkate koatte wodhikkinni mulloota haa're ha'ranno.

ISAYAASI 47:3

Mannu baalu mullimmakki la"anno; teedikkino leellanno; ani mittono gatisummokkinni baalanka qorichisheemmo.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ERMIYAASI 25:15

Israeelete Magani Kaaliiqi anera, «Hanqi'ya wo'minoha woyinete finiincho anga'yanni haadhe, soyemmohe daga agganno gede assi.

ERMIYAASI 25:17

Anino finiincho Kaaliiqi anganni haa're, agganno gede dagate mootoollara oommo.

ERMIYAASI 51:57

Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.

ERMIYAASI 51:7

Gosa baala dagge agganno gede, Baabilooni, culku finiinchooti; isira hanqi'yata woyinete xajje wonshoommo; daga baala woyinete xajje agge wodana sa'u.

ERMIYAASI QURTO 4:21

Edoominna Uutsi gosa, dandiitinanni yannara hagiidhe! Oso'le! Maganunnihu hanqu finiinchi daanni noo'ne; aggine mullootu gaggabbinanni.

HIZIQEELI 23:33

Qorichu finiinchira, waajjishannorinna bao wo'mitino. Hattenne rodookki Samaariyu qarri, dimbite xiwamatta gede assannohe.

HOOSEI 4:7

«Ki'ne qeesootu kiiro'ne batidhu deerrinni, cubbi'ne ane albaanni bati'rino. Kunni daafira ayirrinye'ne mulqe shollisheemmo'ne.

HOOSEI 7:5

Mootensa jili barra, gashshaano lowota woyinete xajje agge dimbite dhiwantu. Tima ganannohuno haariimannosi mannira malaate leellishara angasi kayisi.

IMBAAQOOMI 2:10

Xagarrotenni lowo manna shitine, mini'ne manna shollinyeho tugginoonni. Umi'nerano bao abbidhinoonni.

IMBAAQOOMI 2:15

Teedisi mulqameenna la"attora yite olliichikkira dimbanno gede assate kaajjado ago hayikkisattohura atera aanne'e.

FILIPHISIYUSI SOKKA 3:19

Godowinsa maganonsaati; shollinyinsa ayirrinyensaati; hedonsa tenne uullate. Kunnira, goofimarchinsa baote.

YOHAANNIS AJUUJA 18:6

Assitinore assitine qollese; loossinore lame anga assitine qollese; ki'nera qixxeessitu finiinchira, lame ero kaajjishshine wonshese!