IMBAAQOOMI 1:6 - Qullaawa Maxaafa

⁶ Kune insaha ikkinokkire ragidhara gobba baala doyitannore, haxawarranna muddamaasine Baabilooni gosa aana'ne kayiseemmo.

IMBAAQOOMI 1:6 ပူးပေါင်းရင်းမြစ်များ

LAYINKI MOOTOOLLA 24:1

Iyoaaqeemi moohe noo yannara, Baabilooni moote Nabukadanatsoori Yihuda qase qeeli. Iyoaaqeemino 3 diro gabbarisihu gedensaanni isira badhe wodhi.

LAYINKI MOOTOOLLA 24:2

Kaaliiqi soqqamaanosi himanaanote widoonni qole Yihuda hunate coyi'rino coyi wo'manno gede horritannore Baabiloonoota, Sooriyoota, Moaabootanna Amoonoota Iyoaaqeemi aana kayisi.

LAYINKI DUDUWO 36:17

Kunnira Baabilooni moote gawajjannonsa gede haa're abbi. Baabilooni mooteno Qullaawa Mine noore nafa agurikkinni Yihudunnita aja ooso baala shee gudi. Maganu sayise uyinosi daafira aju akkali, meya labbaahu gatikkinni baalanka mararikkinni gudino.

LAYINKI DUDUWO 36:6

Baabilooni moote Nabukadanatsoori Yihuda horri. Iyoaaqeemino qafade camote cagaagenni usure Baabilooni gobba haa're ha'ri.

ISAYAASI 23:13

Kune Baabiloonootu baatto ikkituta la'e; mannu mullare ikke gatino; Asoorootu, baatto moyichu galannota assitino; qiisho diigge baatto wonshite, uminsa qiisho seekkidhino.

ERMIYAASI 13:20

Yerusaalame! Hanni aliyyera higge diinikki daanni noo gara lai. Hatti xuma hoshshakki hanniyya? Towaxxattohu mannikki hiikkiyya?

ERMIYAASI 21:4

‹Ani Israeelete Magani Kaaliiqi, Baabilooni moote qasate qixxeessi'roottoha angakki noo bagado atera alba qolammoheraati. Bagaduno katamu mereero duunamanno gede asseemmo.

ERMIYAASI 21:7

Hakkunni gedensaanni Yihudu moote Sedeqiyaasi, ledosi gashshaanonna dhibbunni, bagadunninna hudetenni gatinoha katamu manna baala Baabilooni moote Nabukadanatsoorinna shita'nera hasidhannorira sayise eemmo. Isino shaqqillunni marare mitto manchono diaguranno. Konne coye coyi'roommohu ani Kaaliiqaati› yiino» yoommo.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 30:5

«Ani Kaaliiqi keerunnita ikkitukkinni, raarennitanna masillu huuro macciishshanni noommo.

ERMIYAASI 4:11

Bao dagganno yannara ki'ne Yerusaalamete mannira Kaaliiqi, «Giirtanno bubbe moola baattonni ka'e manni'ya aanira dagganno. Tini bubbe woggarte baddannota ikkitukkinni, hakkiinni sa'e lowo geeshsha giirte mooshshitannote. Cubbi'nenni kainohunni tini bubbe co'o assite huntanno'ne» yee kulanno'ne.

ERMIYAASI 4:6

Aliyye raginni qoomamanna bala abbanni noommona, keeshshikkinni rahe gato noowa xooqanno gede, Tsiyooni katamma doogo leellishshesi.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

ERMIYAASI 5:15

Qoleno, «Israeelete manna! Kuneeti ki'ne aana bala tugganno daga, fafo gobbanni abbeemmo. Tini dagano wolqaataame bi're albi dagaati; afoonsano diegentinoonnireeti; coyidhannoreno diaffinanni.

ERMIYAASI 8:10

Galte'nenna gate'ne wole gobba mannira eemmo; buxichuno dureessuno, hanaaqunninna maqqaallotenni duroo'manno; himanaano'nenna qeesooti'ne nafa manna dogganno.

HIZIQEELI 16:40

«Albiti ellakki aaramino manni kinnatenni gane, bisetenni doddole shaannohe gede aanakki kakkayissanno.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 28:7

aanakki bala tugannoha mararro afi'rinokki diina haa're abbeemmohe. Insano ogimmakkinninna hayyokkinni afidhe duu'noottoha dancha coye baala guddanno.

HIZIQEELI 31:12

Marartannokki allaggi haqqicho murte agurtanno; umisenna sinnase baala murmurante gobbate aana noo ilaallaranna laggara ubbe gattanno. Hundase caa'litanno daga baala hakkiinni agurte hadhanno.

IYUEELI 2:3

Albansaanni giira bubbanno; badhensaanni buwanu wala yaanno. Albansaanni baatto Edeni dargi gedeete; badhensaanni noo baatto moola halallitte gobbaati; insa giddonni gate fulannohu dino.