IMBAAQOOMI 1:12 - Qullaawa Maxaafa

¹² Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

IMBAAQOOMI 1:12 ပူးပေါင်းရင်းမြစ်များ

KALAQAMA 21:33

Hakkunni gedensaanni Abirihaami Bersaabehira Tamaarisiki kaase Hegere Magano Kaaliiqa magansi'ri.

LAYINKI MOOTOOLLA 19:25

« ‹Lowo dirira albaanni konne coye hedoommohu ane ikkoommota diafootto? Hedoommo coyi ikkanno gede assoommohuno aneeti. Qiinshoonni katamma diigge duuno assatto gede wolqa oommohehu aneeti.

FAARSO 102:24

Magano'ya ballo, geedhummokkinni haadhe hooltootie. Kaaliiqa ati hegerera hee'rattoho.

FAARSO 118:17

Lubbotenni hee'reemmo ikkinnina direemmo; Kaaliiqi loosono duduweemmo.

FAARSO 149:2

Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

FAARSO 17:13

Kaaliiqa ballo, dagge olante uullate ganinsa; bisekkinni bushu manniwiinni gatisie.

FAARSO 18:1

Kaaliiqa, ati wolqa'yaatina baxeemmohe.

FAARSO 74:12

Magano! Ati bi're hundinni kayisse mootete; baattote aanira gato haadhe abbootto.

FAARSO 90:1

Mooticha'ya ati ilamate ilamara hee'neemmowaati.

FAARSO 90:2

Ilaalla kalaqantara albaanni, baattono safantara albaanni, hegere hegerera ati Maganoho.

FAARSO 93:2

Ayirrinyu barcimikki hundinni kayise qixxaawinoho; ati kalaqamaho albaanninni noottoho.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 37:23

Boo'nitanninna boollaqidhanni seyatittohu ayeti? Xonittoehu ani Israeelete Qullaawaatiwe!

ISAYAASI 37:26

« ‹Lowo dirira albaanni konne coye hedoommohu ane ikkoommota diafootto? Hedoommo coyi ikkanno gede assoommohuno aneeti. Qiinshoonni katamma diigge duuno qolatto gede wolqa oommohehu aneeti.

ISAYAASI 40:28

Ki'ne diaffinoonni? Dimacciishshitinoonni? Kaaliiqi hegere Maganooti; baatto baala kalaqinohu isooti. Isi horo didaafuranno; dihooganno; isi hedinore afara dandaannohu dino.

ISAYAASI 43:15

Ani Kaaliiqi ki'nera Qullaawa Maganooti; Israeele, ani kalaqoommo'ne; moote'neno aneeti» yoommo.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

ERMIYAASI 4:27

Kaaliiqi, «Baatto mullicho ikkitanno; co'o yite ba'anno gede kayinni diasseemmo.

ERMIYAASI 46:28

Soqqamaano'ya Israeele, ani ledo'ne noommona waajjitinoonte. Giddonsa billaallisummo'ne gosa baala huneemmo; ki'ne higginara yee taalo qoricha eemmo'ne; kayinnilla co'o asse digudeemmo'ne. Konne coye coyi'roommohu ani Kaaliiqaati» yii.

ERMIYAASI 5:18

Kaaliiqi anera, «Kuni baalu ikkanno barra nafa manna'ya co'o asse digudeemmo.

ERMIYAASI QURTO 5:19

Kaaliiqa, ati kayinni hegerera mootete; gashshootikkino ilamate ilama geeshsha hee'ranno.

HIZIQEELI 30:25

Gibitsete moote daafurse Baabilooni moote jawaachisheemmo. Ani anga woreemmosi bagadinni Gibitsete heemmeeqi'ranno yannara, mannu baalu ani Kaaliiqa ikkoommota afanno.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

IMBAAQOOMI 3:2

Kaaliiqa! Assoottoha dhaggete coye baala macciishshe lowo geeshsha waajjoommo; xaano yannankera alba loositto gedee looso ledde loosi; yanna yannantenni egennamanno gede assi; hanqatto yannarano marara agurtooti.

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

MILKIYAASI 3:6

«Ani Kaaliiqi disoorrameemmo. Kunnira, ki'ne Yaiqoobi sirchino diba'inoonni.

SOQQAMAASINETE LOOSO 3:14

Ki'ne Qullaawanna keeraancho, ‹Dihasi'neemmo› yitine, mitto manna shaannoha tiranno'ne gede huuccidhinoonni.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

MARRO 33:27

Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

IBIRAAWOOTA 13:8

Yesuusi Kiristoosi be'rono techono hegere geeshsha isoontilla.

YOHAANNIS AJUUJA 1:11

«La'anni noottore maxaafaho borreessite, Efesooni, Semirineesi, Phergamooni, Tiyaxiroosi, Serdeesi, Filidelfiyahonna Lodooqiyaho nootera lamalante beetekiristaanera soyi!» yiie.

YOHAANNIS AJUUJA 1:8

Noohunna hee'rinohu, daannohuno, Wo'manka Dandaanno Magani Kaaliiqi, «Albihunna Gedensihu aneeti» yaanno.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.