IMBAAQOOMI 1:10 - Qullaawa Maxaafa

¹⁰ Mootoolla mishshanno. Gashshaanono arrassitanno. Katammate qiisho baala mishshe oso'litanno. Qiishote aanchite bushsha duunte aanaanni higge fulte amaddanno.

IMBAAQOOMI 1:10 ပူးပေါင်းရင်းမြစ်များ

LAYINKI MOOTOOLLA 24:12

Yihudu moote Yoakiini, amasi, soqqamaanosi, olu hajajaanonna ledosi gashshaano baalu Baabiloonootaho anga uyitu. Nabukadanatsoori moohihunni settikki diro Yoakiini qafade haa're ha'ri.

LAYINKI DUDUWO 36:10

Badheessu agani dayita, moote Nabukadanatsoori Yoakiini usuranya asse Baabilooni haa're ha'ri; Qullaawu Miniha ayirrado uduunneno adhe ha'ri. Hakkunni gedensaanni Yoakiini wosiila Sedeqiyaasi Yihudahonna Yerusaalamete moohisi.

LAYINKI DUDUWO 36:6

Baabilooni moote Nabukadanatsoori Yihuda horri. Iyoaaqeemino qafade camote cagaagenni usure Baabilooni gobba haa're ha'ri.

ISAYAASI 10:9

Insano Kaalinooni, Karkemiishi, Hamaatinna Arfaadi katamma amaddinoreeti. Samaariyanna Demaasiqono angara qo'litinoreeti.

ISAYAASI 14:16

Reyitinori ate la'e maala'litanni, «Baatto milli assihu, gashshaano shafihu konneeti?

ISAYAASI 37:13

Hamaati, Arfaadi, Sefariwayimi Henainna Iiwa katamma mootoolla hanni mama nooyya?» yitanno sokka soyi.

ERMIYAASI 30:5

«Ani Kaaliiqi keerunnita ikkitukkinni, raarennitanna masillu huuro macciishshanni noommo.

ERMIYAASI 32:24

«Kune, Baabiloonootu katama amaddara gaangaawaho bushsha duunte doyissite no; bagadu, hudenna dhibbu katama angansara eanno gede assanno. Atino coyi'roottori baalu ikkanna la"atto.

ERMIYAASI 33:4

Doyisse amadatenninna olunni Yerusaalamete minnanna Yihudunnihu mootete mini diigamanno. Konne coye coyi'roommohu ani Israeelete Magani Kaaliiqaati.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 26:8

Mereeri gobbara hee'ranno manni baalu, bagadunni goofanno; diinuno huxxikki birxe geeshsha bushsha duunanno. Batinye wonqonni gaangeessite amadanno'ne.

SOFFOONIYAASI 1:8

Kaaliiqi, «Ani kakkaleemmo barra jajjabba, mootete oosonna wosincho woga ha'runsitannore baala qorichisheemmo.