IBIRAAWOOTA 9:7 - Qullaawa Maxaafa

⁷ Qullaawu Holgira kayinni, dirunni mitte hige qeesootu qari callu eanno. Isino umisi cubbiranna mannu afikkinni loosino cubbi daafira mundee haa'rikkinni dieanno.

IBIRAAWOOTA 9:7 ပူးပေါင်းရင်းမြစ်များ

LAYINKI SAAMUEELI 6:7

Hatto assasinni Magano seyatino daafira, Maganu Kaaliiqi lowo geeshsha hanqe qoomisi. Oozano hakko Taabooti mule reyi.

LAYINKI DUDUWO 33:9

Minaase kayinni Yihudunna Yerusaalamete manni, Kaaliiqi Israeelete albinni shorre huni gosa assitinohunni roore bunshe loosanno gede assino.

FAARSO 19:12

So'rosi afannohu dinona, afa hoongetenni loosoommo cubbinni gatisie.

FAARSO 95:10

Hattanne ilamara 40 diro hanqoommo; kunnira, «Ki'ne galata diafidhinoonnireeti; ani yoommotano ikka gibbinoonni» yuummonsa.

FULO 30:10

Aarooni dirunni mitte hige cubbo diwate seera wonshona; dirunni mitte hige cubbu kakkalo mundee buuddate aana buure ilamate ilama geeshsha keereensona. Kuni ane Kaaliiqira co'onta qoromboonniho» yii.

ISAYAASI 28:7

Qeesootunna himanaano nafa dimbite gaggabbanno. Lowota woyinete xajjenna dimbissanno agatto aggeenna wodanu soorrameenna Kaaliiqi aannonsa ajuuja nafa dibuuxxanno; ku'linanninsa coye nafa garunni coyidhe ditirtanno.

ISAYAASI 29:14

Kunnira, maala'linanni coye hoode hoodete abbanni dhaggeeffattanno gede asseemmonsa. Egennaammu egenno huneemmo; hayyoolete hayyo diigeemmo» yii.

ISAYAASI 3:12

Woxe liqiissitannori manna'ya qarrissanno; qallote liqiissitannorino mulla anganni gatissinonsa. Manna'ya! Albisooti'ne so'risiissanno'ne; doogote aaninnino wirri assitanno'ne.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

HOOSEI 4:12

Kunni daafira haqqunni seekkinoonniha kaphu magano mala xa'midhanno. Kiilu siqqichonsano hasidhinore kultannonsaha lawannonsa. Foorrete ayyaaninni massagante Maganuwiinni faffino.

LEEWAAWOOTA 16:34

Kuni hegerera seera ikko'ne; kunni seeri garinni, dirunni mitte hinge mannu baalunku cubbo agursiinsona» yiisi. Museno Kaaliiqi hajajinosi gede assi.

LEEWAAWOOTA 5:18

Saadasi giddonni mitto muso afi'rinokki ge'recho woy meicho saosira kakkalanno gede qeesichunniwa haa're abbona; woy gocu fushshanno waaga gobbate wodho garinni hendeenna woxe oona. Qeesichuno manchu cubbira kakkalo shiqisheenna, sao assino manchira cubbisi aguramannosi.

AMOOTSI 2:14

Rakke doddannori nafa xooqqe difultanno. Wolqaataamu mannino wolqa hooganno. Bagadaanono umonsa gatisa didandiitanno.

KIIRO 15:25

Qeesichuno Israeelete manni baalunku cubbo agursiisanno. Konne assinannihuno afa hoongetenni assitino saora shilqote kakkalonna cubbo agursiisate kakkalo shiqishshuro cubbinsa aguramannonsa.

EFESOONI SOKKA 4:18

Afa hoogansanninna mokkookkansanni kainohunni, wodaninsa tunsino; Maganuwiinnino baxxitino.

IBIRAAWOOTA 10:3

Hatte kakkalo kayinni diru dirunkunni mannaho cubbo qaagiissitanno.

IBIRAAWOOTA 6:19

Tini hexxo heeshshonkera milli miqqi yaannokkihu addaxxinanni mokkollichi gedeete. Isino gole hoolannoricho sae Qullaawu Minira eanno.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

IBIRAAWOOTA 9:3

Layinki dargi dukkote giddoonni nooho; konne darga Qullaawa Holgeeti yinanni.