IBIRAAWOOTA 9:4 - Qullaawa Maxaafa

⁴ Hakko holgi giddo culkunni seekkinoonnihu hixaana giirranni udiinnichinna culka xalline seekkinoonnihu ayirradu gondooru taabooti no. Kunni gondooru taabooti giddo, mennaho yinanni sagale worroonnihu culkunni seekkinoonni xilti, lattinoti Aarooni siqqicho, gondooro aanaho borreessinoonniri lame bocame kinna no.

IBIRAAWOOTA 9:4 ပူးပေါင်းရင်းမြစ်များ

UMI MOOTOOLLA 7:50

finiinna, qarabba, xiltaame saanna, hixaana giirranni bacceetinna giira bushshinannireeti. Qullaawu Holgitanna Qullaawu Mini cufanna gobbaanni waalchu ledo xaadinsoonni. Kuri baalu culkunni seekkinoonnireeti.

UMI MOOTOOLLA 8:21

Gibitsetenni fushshinsa waro annuwanke ledo eino gondooro borreessinoonnita boncoonni kinna worranni Taabootira Qullaawu Mini giddo darga qixxeessoommo» yii.

UMI MOOTOOLLA 8:9

Israeelete manni Gibitsetenni fuli waro, Kaaliiqi ledonsa gondooro e"eenna Siina Ilaalira Muse worinore 2 bocame kinna agurranna Gondooru Taabooti giddo woliri mitturino dino.

LAYINKI DUDUWO 5:10

Israeelete manni Gibitsetenni fuli waro, Kaaliiqi insa ledo gondooro ei yannara Muse Siina Ilaalira worinore 2 bocame kinna agurranna Taabootu giddo woliri noori dino.

FULO 26:33

Dukkono qarabbate aana rarra'ona; Gondooru Taabootano dukkote giddora eessi; dukkono Qullaawa Darganna Qullaawa Holge baddannota ikkitona.

FULO 31:18

Maganu Siina Ilaalira Muse ledo hasaawa gudihu gedensaanni, angasinni borreessinota boncoonni kinna gondoorunnita uyisi.

FULO 32:15

Museno lamenka widoonni borreessinoonnita 2 boncoonni kinna haa're ilaalu iiminni dirri.

FULO 34:29

Muse Siina Ilaalinni dirri yannara, tonnenta hajajo borreessinoonniti lamenti bocame kinna angasi no; Kaaliiqi ledo hasaawanni keeshshino daafira, dirri woyite albisi xawanni no; isi kayinni xawanni noota diafino.

FULO 37:25

Hixaana giirranni uduunnicho waaccote haqqinni seekki; seendille 1 cigileeti; godowa 1 cigileeti; hojja 2 cigileeti. Shoolente madde buuddano mitteenni seekkino.

FULO 39:35

bocame kinna worroonniha Gondooru Taaboota, dawaayyenna maarote barcima,

FULO 40:3

Tonnenta hajajo amadinoha Gondooru Taabootano Dukkanu giddo worte, dukkotenni goli.

LEEWAAWOOTA 16:12

ane albaanni noohu kakkalote darginni haa'noonni kashilo wonshinoonni baccicho anga amadona; 2 hoowo ikkannoha maniissinoonniha su'naanno hixaana haa're abbona; kore baala haa're dukkote giddoonni noohuwa Qullaawu Holgira eona.

KIIRO 17:10

Kaaliiqi Musera, «Kuni haxawarru Israeelete manni anera gunguma agura giwiro, reyannota qorophisiisate Aarooni siqqo galagalchite Taabootu albaanni massite wori» yiisi.

KIIRO 17:5

Hatte yannara, ani dooreemmo manchi siqqo ciirtanno. Israeele ki'nera gunguntanno gunguma hakko gawa'litanno gede asseemmo» yii.

KIIRO 17:8

Layinki soodo Muse Dukkanu giddora eanno woyite, Leewi ga're su'minni shiqinshoonniti Aarooni siqqo ciirte noota afi. La"anno woyite ciira calla ikkitukkinni gubbe daraarte kookete guma laalte no.

MARRO 9:11

Shoyilluu hashshinna shoyilluu barri gedensaanni, Kaaliiqi lamenta bocame kinna gondoorunnita uyinoe.

MARRO 9:9

Kaaliiqi ki'ne ledo eino gondooro borreessinoonnita bonce seekkinoonni kinna haa'rammora ani ilaalu iimira fuloommo. Hakkiicho mittoreno itummokkinninna agummokkinni 40 hashshanna 40 barra keeshshoommo.

YOHAANNIS AJUUJA 11:19

Gordoho noohu Qullaawu Mini fa'nami; isihu gondooru taabootino hakkiicho leelli. Hatte yanna giddo banqo, belequ, gugatto, baattote huxi'ranna jajjabba kaade no.

YOHAANNIS AJUUJA 8:3

Hakkunni gedensaanni wolu sokkaasinchi daye culkunni seekkinoonniha hixaana giirranni uduunnicho haa're daye, kakkalote dargi mule uurri. Qullaawu manni baalu huuccatto ledo shiqishanno gede, ayirradu barcimira albaanni noohu culkunni seekkinoonni uduunnichi aaninni haa'ne lowo hixaana uyinisi.