IBIRAAWOOTA 8:8 - Qullaawa Maxaafa

⁸ Maganu mannu aana mishamme noota malaatisanni, «Kune Israeeletenna Yihudu mini ledo, haaro gondooro e"eemmo yanna dagganno» yaanno Mootichu.

IBIRAAWOOTA 8:8 ပူးပေါင်းရင်းမြစ်များ

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 23:7

Hakka waro, ‹Israeele Gibitsete gobbanni fushshino Kaaliiqi halaaleeti› yine dixaarranni.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:27

Kaaliiqi, «Ani Kaaliiqi Israeeletenna Yihudaho mannunna saada wo'mitanno gede asseemmo.

ERMIYAASI 31:38

«Hanaanieeli Shaenni kayise galchimaanni Huxxu Waalchi geeshsha Yerusaalame katama'ya ikkite gatamarantanno barri daanno.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

HIZIQEELI 37:26

Keere heedhanno gede hegere gondooro e"eemmonsa; insano galagalche baattonsara xinte kiironsa batiseemmo. Qullaawu Mini'ya mereeronsa hegerera hee'ranno gede asseemmo.

MAATEWOOSI 26:28

Tini lowo manni cubbo agursiisate du'nantannoti haaru gondoori mundee'yaati.

MAARQOOSI 14:24

Yesuusi, «Lowo manni daafira du'nantannoti tini, gondooru mundee'yaati.

LUQAASI 17:22

Yesuusi rosaanosira, «Manchi Beetti barruwa giddonni mitto barra la"ate halchitinanni yanna dagganno. Ikkollana dila'inanni.

LUQAASI 22:20

Hurbaatu gedensaanni finiinchono kayise, «Kuni finiinchi ki'ne daafira du'nantanno mundee'yahu haaro gondoorooti.

LUQAASI 5:38

Kunnira, haaro woyinete xajje haaru ogorira worranni.

UMI QORONTOOSI 11:25

Hurbaatu gedensaanni finiincho haa're, «Kuni finiinchi mundee'yanni haaro gondoorooti; agginanni yanna baalate, kunninni ane qaagge» yii.

LAYINKI QORONTOOSI 3:6

Haaru Gondoori soqqamaano ikkineemmo gede wolqa uyinonkehu isooti. Kunino borreessinoonni seerinni ikkikkinni Qullaawu Ayyaani kaa'lonniiti. Borreessinoonni seeri reyo abbanno; Qullaawu Ayyaani kayinni heeshsho aanno.

MARRO 29:14

Konne gondooro eannohuno ki'ne ledo calla di"ikkino.

IBIRAAWOOTA 12:24

Haaru gondoorira mereerima ikkinohuwa Yesuusiwa, Aabeeli mundeenni roore woyyino coye coyidhannotewa winxoonni mundeewa shiqqinoonni.

IBIRAAWOOTA 7:22

Tenne xaaronni kainohunni Yesuusi woyyino gondoorira woowe saino.

IBIRAAWOOTA 8:13

Maganu haaru gondoorire coyi'ranno woyite, albi gondooro akkala assino yaate. Kunnira, albihunna akkalu baalu ba"anno yanna rakke dagganno.

IBIRAAWOOTA 8:6

Xa kayinni Yesuusi adhino soqqansho albira qeesootu roorrootinni roorete. Hattonni isi araarsaancho ikkino gondoori akkalu gondoorinni rooreho; hakku haaru gondoori woyyaabbino hexxo aana xintaminoho.

IBIRAAWOOTA 9:15

Woshshantinori Maganu hexxotenni uyinonsaha hegere iqqa ragidhanno gede, Kiristoosi haaru gondoorira mereerima ikkino. Kuni ikkinohu manna umi gondoori anga hee're loosino cubbinni wode gatisara yee isi reyinohuraati.