IBIRAAWOOTA 8:5 - Qullaawa Maxaafa

⁵ Insa soqqantannohu gordoho noo coyira lawishshanna caale ikkino coyiraati. Kuni ikkinohu Muse dukkana seekki waro Maganu, «Ilaalu aana leellishummohe garinni xiinxallite seekki!» yee hajajinosi garinniiti.

IBIRAAWOOTA 8:5 ပူးပေါင်းရင်းမြစ်များ

UMI DUDUWO 28:12

Nafarratenna qooxeessinsara noo kifilla, miinju minenna Kaaliiqira shiqinshanni fushshaate worranni mine minnanni gara wodanisira Ayyaanu worino garinni kulisi.

UMI DUDUWO 28:19

Moote Daawiti qole, «Kuni baalunku Kaaliiqi loonsanni gede borrotenni uyinoe akeekaati» yii.

FULO 25:40

Ilaalu aana leellishummohe garinni xiinxallite seekki.

FULO 25:9

Dukkananna giddo uduunne ani kuleemmohe garinni seekkisiisi.

FULO 26:30

Dukkanano ilaalu aana leellishummohe gede assite qasi.

FULO 27:8

Ilaalu aana leellishummohente gede, kakkalote uduunnicho seekkite giddoyido fano assi.

KIIRO 8:4

Caabbiyye worranni uduunnichi alinni eeli geeshsha daashshinoonni culkinni seekkinoonniho. Konneno Kaaliiqi Musera kulino garinni seekkinoonni.

MAATEWOOSI 2:12

Galagalte Heeroodisiwa martannokki gede Maganu haaqeete qorophisiiseennansa, wole doogo higge gobbansa hadhu.

SOQQAMAASINETE LOOSO 7:44

«Annuwankera halalla farci'rote dukkani noonsa. Hakko dukkana Muse Maganu kulinosinna leellishinosi garinni seekkino.

QOLASIYAASI SOKKA 2:17

Kuri baalu albillittete daara noo coyira caalu gedeeti. Halaalu leellannohu kayinni Kiristoosinniiti.

IBIRAAWOOTA 10:1

Muse Seeri albillitte daara noohu danchu coyi hincilaallooti ikkinnina, halaalaancho coye di"ikkino. Kunnira wo'ma woyite diru dirunkunni kakkalate kakkalo haa're Maganunniwa shiqanno manna horo guuta assansara didandaanno.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 13:10

Ninkera, Qullaawu Dukkani giddo soqqantannori aanisinni adhite ittara fajjinanninsakkihu kakkalote dargi noonke.

IBIRAAWOOTA 9:9

Kuni coyi xaa yannara lawishshaho. Kunni garinni shiqinshanni fushshaatinna kakkalo shiqishi'ranno manchi tiia dixalashshitanno.

IYYAASU 22:28

Kunnira, miteekke kuni coyi ikkiro ninke hedo ilamanke, ‹La'e! Albi anuwanke seekkitinohu kakkalote dargi Kaaliiqira seekkinoonnihu kakkalote dargi ledo mittu gariho. Kunino ninkenna ki'ne mereero malaate ikke hee'rara ikkinnina shilqonnita woy wole kakkalo shiqinshanni gede hende assinoonniha di"ikkino!› yaa dandiitanno gedeeti.

YOHAANNIS AJUUJA 15:5

Hakkunni gedensaanni kune Farci'rote Dukkana ikkinohu Qullaawu Mini gordoho fa'name nooha afummo.