IBIRAAWOOTA 8:1 - Qullaawa Maxaafa

¹ Hasaambeemmohu qaru coyi kuneeti: Gordoho Ayirradu Magani barcimira qiniiteenni ofollinohu togoo qeesichi noonke.

IBIRAAWOOTA 8:1 ပူးပေါင်းရင်းမြစ်များ

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

IYYOOBI 37:22

Aliyye ragaanni culka lawanno xawaabbi daanno; Maganuno dhaggete ayirrinyinni leellanno.

FAARSO 104:1

Lubbo'ya, Kaaliiqa galatisi! Kaaliiqa Magano'ya, ati mageeshshi geeshsha lowoho! Gaacheenanna ayirrinye uddi'rootto.

FAARSO 110:1

Kaaliiqi Mootichi'yara, «Baarigaarrakki lekkakkira woroonni qolammo geeshsha, qiniite'yaanni ofolli» yiisi.

FAARSO 145:12

Mannu baalu kunni garinni, wolqakkinni loosoottoha jajjabba loosonna, jawa gashshootikki gaacheena afanno.

FAARSO 21:5

Ati kaa'loottosi daafira, bayira ayirrinye afi'rino; dancha su'manna gaacheena oottosi.

ISAYAASI 24:14

Baotenni gattinori hagiidhite ilillissanno; galchimaanni noorino Kaaliiqi jawimma kultanno.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

MAARQOOSI 16:19

Mootichu Yesuusi konne baala kulinsahu gedensaanni, gordo ha're Maganoho qiniiteenni ofolli.

EFESOONI SOKKA 6:20

Xaano kune usurame noommohu Danchu Duduwi afoo ikkoommohuraati. Konne coye waajjummokkinni coyi'reemmo gede Magano huucce"e.

QOLASIYAASI SOKKA 3:1

Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.

IBIRAAWOOTA 1:13

Maganu mitto sokkaasinchono, «Baarigaarrakki lekkakkira woroonni qolammo geeshsha, qiniite'yaanni ofolli!» diyiino.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 10:12

Kiristoosi kayinni lendannikkita cubbo agursiisate kakkalo shiqishihu gedensaanni, Maganu qiniiteenni ofollino.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 2:17

Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.

IBIRAAWOOTA 3:1

Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

IBIRAAWOOTA 4:14

Kunnira, gordo fulinoha jawa Qeesootu Qara Maganu Beetto Yesuusa afi'noommo daafira, noonke yineemmo amma'na duu'ne cu'mi'no.

YOHAANNIS AJUUJA 3:21

« ‹Ani qeelle adhe Anni'ya ledo ayirradu barcimisira ofollummonte gede, qeelinohu ane ledo ayirradu barcimi'yara ofollanno gede asseemmosi.