IBIRAAWOOTA 7:16 - Qullaawa Maxaafa

¹⁶ Isi qeese ikkinohu ilamate garinni ikkikkinni ba'annokki heeshsho wolqa garinniiti.

IBIRAAWOOTA 7:16 ပူးပေါင်းရင်းမြစ်များ

ROOMU SOKKA 7:14

Seeru ayyaanaamo coye ikkinota anfoommo. Ani kayinni maala uddi'roommo; qoleno cubbu borojjimmara hiramoommo.

GALATIYU SOKKA 4:3

Ninkeno hakko garinni qaaqqimmatenni hee'noommo waro, tenne gobba seerira borojje ikkine galloommo.

GALATIYU SOKKA 4:9

Xa Magano affini woyitenna, hakkiinnino roore, Maganu egenni'ne yannara, wolqiweelonna tidhitinokki golfawa higa mayira baxxini? Galagaltine hakkurira borojje ikka hasidhini?

QOLASIYAASI SOKKA 2:14

Qoxxissannonketanna gibbannonketa, seeru giddo noota asalu borro hunino. Masiqalu aana ladde ninke aaninni hoolino.

QOLASIYAASI SOKKA 2:20

Kiristoosi ledo reyitine tenne gobbara gallanni gari seera wonshatewiinni baxxitinoonnire ikkitinina, xa gobbate seerinni baxxitinokkiri gede ikkitine tenne labbanno hajajora mayira gashshantinanniyya?

IBIRAAWOOTA 10:1

Muse Seeri albillitte daara noohu danchu coyi hincilaallooti ikkinnina, halaalaancho coye di"ikkino. Kunnira wo'ma woyite diru dirunkunni kakkalate kakkalo haa're Maganunniwa shiqanno manna horo guuta assansara didandaanno.

IBIRAAWOOTA 7:15

Kuni coyi lowo geeshsha xawe leellannohu, Melketsedeqi gedeehu wolu qeesichi daanno woyiteeti.

IBIRAAWOOTA 7:17

Hakkuno, «Melketsedeqi gede, hegerera qeesicha ikkatto» yinoonni daafiraati.

IBIRAAWOOTA 7:21

Isi kayinni qeesicha ikkinohu xaarotenniiti. Hakkuno, Mootichu, «Ati hegere geeshsha qeesichaho» yee xaarino coye gaabbannokki daafiraati.

IBIRAAWOOTA 7:28

Muse Seeri qeesootu roorroota asse worannohu jawaante afi'rinokki mannaati. Seeru gedensaanni daggino xaaro kayinni hegerera guuta ikkinoha Maganu Beetto wortanno.

IBIRAAWOOTA 7:3

Melketsedeqira annunna ama, woy ilamate kiiro dinosi. Dirisirano hanafo, heeshshosirano gawalo dino. Kuni Melketsedeqi Maganu Beetti gede hegerera qeesicha ikke hee'ranno. Melketsedeqi Saalemi yinanni gobba mooteetinna ayirradu Magani kakkalaanchooti; kuni Melketsedeqi Abirihaami mootoolla qeele higi yannara doogo xaade maassi'rinosi.

IBIRAAWOOTA 9:14

Hatto ikkannoha ikkiro, hegere Ayyaani widoonni qole isonoo mishamme nookki kakkalo asse Maganoho shiqishinohunniti Kiristoosi mundee heeshshote Maganira soqqammeemmo gede, reyote loosiwiinni tiianke hiitto roorsite keereensa hoogganno!

YOHAANNIS AJUUJA 1:18

heeshshonnihuno aneeti. Kunni albaanni reyommo; xa kayinni kune hegere heeshshoha ikkoommo; reyotenna jeennaatu roorre anga'ya no.